மத்திய கிழக்கு மோதலால் இலங்கையர்களின் வாழ்க்கைச் செலவில் ஏற்பட்டுள்ள பாதிப்பு

Economy of Sri Lanka Middle East Iran-Israel War

By Vethu Jun 17, 2025 05:42 AM GMT

Vethu

in விபத்து

Report

உலகளாவிய எரிபொருள் விலை உயர்வு இலங்கை பொருளாதாரத்தில் தாக்கங்கள் ஏற்படுத்தும் என கொழும்பு பல்கலைக்கழகத்தின் பொருளாதார துறையின் மூத்த பேராசிரியர் கணேசமூர்த்தி, தெரிவித்துள்ளார்.

இது வாழ்க்கைச் செலவில் ஒட்டுமொத்த தாக்கத்தை ஏற்படுத்தும் என அவர் குறிப்பிட்டுள்ளார்.

முக்கிய எண்ணெய் பாதையான மத்திய கிழக்கில் ஏற்படும் மோதல், அதிக காப்பீட்டு பிரீமியங்கள் போன்ற காரணங்களால் விலை உயர்வைத் தூண்டும் என்று அவர் குறிப்பிட்டுள்ளார்.

இறக்குமதியாளராக இலங்கை, இயற்கையாகவே உள்ளூர் விலைகளை அதற்கேற்ப சரிசெய்ய வேண்டியிருக்கும் என அவர் குறிப்பிட்டுள்ளார். எண்ணெய் விலை உயர்ந்தவுடன், அது மற்ற பொருட்களின் அதிகரிப்புக்கு வழிவகுக்கும்.

எரிபொருள் விலைகள்

இது விகிதாசாரத்திற்கு மாறாக நடக்கும். விலைகள் குறையும் போது, அதை செய்வதில்லை. சமீபத்தில், விலைகள் குறைந்தன.

மத்திய கிழக்கு மோதலால் இலங்கையர்களின் வாழ்க்கைச் செலவில் ஏற்பட்டுள்ள பாதிப்பு | Middle East Tense Fuel Price To Increase Srilanka

எனினும் இலங்கையில், வர்த்தகர்கள் தங்கள் பொருட்களின் விலையை அதற்கேற்ப குறைக்கவில்லை. எரிபொருள் விலைகள் உயரும்போது, அது நேர்மாறாக இடம்பெறுகின்றது.

மத்திய வங்கி அடுத்த இரண்டு காலாண்டுகளுக்குள் பணவீக்கத்தை 5 சதவீதமாக இருக்க திட்டமிட்டிருந்தாலும், மோதலின் விளைவாக எரிபொருள் விலை உயர்வு ஏற்பட்டால் அது மாற்றமடையும் என அவர் மேலும் தெரிவித்துள்ளார்.