தனக்கு ஏற்பட்ட வரலாற்றுப் பின்னடைவு குறித்து ட்ரம்ப் விடுக்கும் எச்சரிக்கை

Donald Trump United States Embassy in Sri Lanka World

By Sajithra Nov 08, 2026 08:22 PM GMT

Sajithra

in அமெரிக்கா

Report

அமெரிக்க இடைத்தேர்தலில் ஆளும் குடியரசுக் கட்சி சந்தித்த வரலாற்றுச் சிறப்புமிக்கத் தோல்வியைத் தொடர்ந்து, அமெரிக்கா வரலாற்றில் ஒரு பெரும் பின்னடைவைச் சந்தித்துள்ளதாகத் தெரிவித்துள்ள டொனால்ட் ட்ரம்ப், விரைவில் மிகவும் வலுவாக மீண்டு வருவோம் எனச் சூளுரைத்துள்ளார்.

கடந்த செவ்வாய்க்கிழமை நடைபெற்ற இடைத்தேர்தலில், பல தசாப்தங்களாகக் குடியரசுக் கட்சியின் கோட்டையாகத் திகழ்ந்த மாநிலங்களில் ஜனநாயகக் கட்சியினர் அபார வெற்றி பெற்று, அமெரிக்கக் காங்கிரஸின் இரு அவைகளையும் கைப்பற்றினர்.

இத்தேர்தல் முடிவுகள் குறித்துத் தனது டிரூத் சோஷியல் (Truth Social) சமூக வலைத்தளப் பக்கத்தில் பதிவிட்டுள்ள ட்ரம்ப், இத்தேர்தல் முடிவுகளால் அமெரிக்கா வரலாற்றில் ஒரு படி பின்னோக்கிச் சென்றுள்ளதாகக் குறிப்பிட்டுள்ளார்.

தேர்தல் தோல்வி

மேலும், தனது ஆட்சிக் காலத்தில் ஏற்றம் கண்ட பங்குச்சந்தை இத்தேர்தலுக்குப் பிறகு சரிவைச் சந்தித்த போதிலும், "யாரும் பயப்படத் தேவையில்லை, நாம் முன்பை விட மிகப் பெரிய அளவிலும் வலுவாகவும் மீண்டும் மீண்டு வருவோம்!" என்று அவர் நம்பிக்கை தெரிவித்துள்ளார்.

தனக்கு ஏற்பட்ட வரலாற்றுப் பின்னடைவு குறித்து ட்ரம்ப் விடுக்கும் எச்சரிக்கை | Mid Election Trump Comback

தேர்தல் பின்னடைவால் குடியரசுக் கட்சியினர் கடும் அதிர்ச்சியில் ஆழ்ந்துள்ள போதிலும், ட்ரம்ப் தனது பிடிவாதமான போக்கை தொடர்ந்து வருகிறார்.

அதன் ஒரு பகுதியாக, தனது தீவிர ஆதரவாளரான ஸ்டீபன் மில்லரை புதிய தலைமை அதிகாரியாக வெள்ளிக்கிழமை நியமித்துத் தனது தீவிர அரசியல் போராட்டத்தை வெளிப்படுத்தியுள்ளார்.

எனினும், ட்ரம்பின் கடுமையான குடியேற்றக் கொள்கைகளின் முக்கிய வடிவமைப்பாளரான ஸ்டீபன் மில்லரின் நியமனத்திற்கு எதிராக ஒவ்வொரு கட்டத்திலும் தீவிரமாகப் போராடுவோம் என்றும், ட்ரம்ப் நிர்வாகத்தைப் பொறுப்புக் கூற வைப்போம் என்றும் ஜனநாயகக் கட்சியினர் உறுதியளித்துள்ளனர்.