லங்காசிறி FM
மினி மியூசியமாக மாற்றப்படும் மெஸ்ஸி தங்கிய அறை
2022 FIFA உலக கிண்ண கால்பந்தாட்ட தொடரின் போது கத்தாரில் ஆர்ஜென்டினா அணியின் தலைவர் லியோனல் மெஸ்ஸி தங்கிய அறை தொடர்பில் கத்தார் பல்கலைக்கழகம் அறிவிப்பொன்றை வெளியிட்டுள்ளது.
உலக கிண்ண கால்பந்தாட்ட போட்டியின் போது ஆர்ஜென்டினா அணி ஐந்து நட்சத்திர ஹோட்டலில் தங்குவதற்குப் பதிலாக, பரந்த பல்கலைக்கழக வளாகத்தில் தங்கியிருந்துள்ளனர்.
மெஸ்ஸி தங்கிய அறை
இதற்கமைய உலக கிண்ணத்தை ஆர்ஜென்டினா அணி வெற்றி பெற்றதை நினைவுகூரும் வகையில், மெஸ்ஸி தங்கிய அறையை சிறிய அருங்காட்சியகமாக மாற்றப்படவுள்ளதாக தெரிவிக்கபட்டுள்ளது.
கத்தார் பல்கலைக்கழகம் இதனை ஒரு பேஸ்புக் பதிவில் வெளியிட்டுள்ளது.
இதேவேளை போட்டியின் போது ஆர்ஜென்டினா அணி தங்குவதற்கு பயன்படுத்தப்பட்ட அனைத்து அறைகளின் தொடர் புகைப்படங்களை கத்தார் பல்கலைக்கழகம் பகிர்ந்துள்ளது.
மினி மியூசியத்தின் காட்சிகள்
ஆர்ஜென்டினா அணியின் உடை நிறத்திற்கு ஏற்றவாறு முழு பகுதியும் நீலம் மற்றும் வெள்ளை நிறத்தில் அலங்கரிக்கப்பட்டுள்ளது.
பல வீரர்களின் பெயர்கள் பொறிக்கப்பட்ட ஜெர்சிகளின் புகைப்படங்களும் நிறுவனத்தால் அறைகளைச் சுற்றி வைக்கப்பட்டுள்ளன.
போட்டியின் போது, லியோனல் மெஸ்ஸி B201 அறையில் தங்க வைக்கப்பட்டார், பின்னர் அவர் செர்ஜியோ அகுரோவுடன் பகிர்ந்து கொண்டுள்ளார்.
பல்கலைக்கழக குடியிருப்பில் உள்ள மெஸ்ஸியின் அறையில் இனி விருந்தினர்கள் தங்க மாட்டார்கள், மேலும் அதில் மெஸ்ஸி விட்டுச் சென்ற அனைத்து உடமைகளும் மாணவர்கள் மற்றும் நாட்டிற்கு வருபவர்களின் பார்வைக்கு வைக்கப்படும் என தெரிவிக்கப்பட்டுள்ளது.
ராஜிவ்காந்தியின் மரணத்தை 2 மாதங்களுக்கு முன்பே கணித்த ராகுல் - சோனியா காந்தி பகிர்ந்த தகவல் News Lankasri
பிரித்தானியாவின் மகிழ்ச்சியான நகரங்களின் தரவரிசை: வீடுகளின் விலையில் ஏற்பட்டுள்ள உயர்வு News Lankasri
பொருளாதார நெருக்கடியால் முடங்கியுள்ள ஈரான்... உடல் உறுப்புகளை விற்கும் நிலையில் மக்கள் News Lankasri
புங்குடுதீவு, கொழும்பு, Sanaa, Yemen, சென்னை, India, Toronto, Canada, Sacramento, United States
07 Nov, 2026
மலேசியா, Malaysia, தெல்லிப்பழை, Wembley, United Kingdom
09 Oct, 2026
அல்லைப்பிட்டி, பிரான்ஸ், France
12 Nov, 2011
