கொழும்பில் பில்லியன் கணக்கான பணத்தை மோசடி செய்த பெண்! பின்னணியில் வெளியான தகவல்

கொழும்பில் நிதி நிறுவனமொன்றில் பல கோடி ரூபா பணம் மோசடி செய்ததாகக் கூறப்படும் பெண் தொழிலதிபர் ஷங்கிரிலா ஹோட்டலின் சொகுசு வீட்டில் 1 1/2 வருடங்களாகப் பதிவு செய்யப்பட்டுள்ளதாக தகவல் வெளியாகியுள்ளதாக பொலிஸ் வட்டாரங்கள் தெரிவிக்கின்றன.

கொழும்பு கோட்டையில் உள்ள உலக வர்த்தக நிலையத்தின் 34வது மாடியில் திட்ட முதலீட்டிற்காக குறித்த பெண் நிறுவனம் ஒன்றை நடத்தி வந்ததாகவும் பொலிஸார் தெரிவிக்கின்றனர்.

குறித்த ஹோட்டலில் சொகுசு வீடொன்றை முன்பதிவு செய்து அதில் தங்கியிருந்து சந்தேகநபர் இந்த மோசடியை செய்துள்ளதாக பொலிஸ் வட்டாரங்கள் தெரிவிக்கின்றன.

உயரதிகாரிகளுக்கு நாட்டின் உயரடுக்கு பாதுகாப்பு

இதேவேளை, வெளிநாட்டிலிருந்து ஹோட்டலுக்கு வரும் உயரதிகாரிகளுக்கு நாட்டின் உயரடுக்கு நபர்களால் வீடுகள் ஒதுக்கப்பட்டுள்ளதாகவும் பொலிஸ் வட்டாரங்கள் தெரிவிக்கின்றன.

இந்த ஹோட்டல் மட்டுமின்றி, கொழும்பை சுற்றியுள்ள பல சொகுசு அடுக்குமாடி வீடுகளிலும் சந்தேக நபர் தங்கியிருந்ததாக தகவல் கிடைத்துள்ளதாகவும்  தெரிவிக்கப்படுகின்றன. 

அரசாங்கத்தின் பல்வேறு மட்டங்களில் உள்ளவர்களிடம் இருந்து இதுவரை 250 கோடி ரூபாவிற்கும் அதிகமான நிதி மோசடி தொடர்பில் குற்றப்புலனாய்வு திணைக்களத்திற்கு 8 முறைப்பாடுகள் கிடைத்துள்ளதாக சிரேஷ்ட பொலிஸ் அத்தியட்சகர் சட்டத்தரணி தெரிவித்துள்ளார்.

சிலர் கோடிக்கணக்கில் பணம் வழங்கிய போதிலும், வருமான வரித்திணைக்களம் இவ்வளவு பெரிய தொகையை வழங்கியது தொடர்பில் விசாரணைகளை ஆரம்பித்துள்ளமைக்கு பயந்து அவர்கள் முறைப்பாடு செய்ய வரவில்லை எனவும் பொலிஸ் ஊடகப்பேச்சாளர் மேலும் குறிப்பிட்டுள்ளார்.

பில்லியன் கணக்கான மோசடி

சந்தேகநபர் தற்போது ஒரு பில்லியன் ரூபாவிற்கும் அதிகமான மோசடி செய்துள்ளதாக சந்தேகிக்கப்படுவதாகவும், சந்தேகநபருக்கு எதிராக ஹோமாகம, கொழும்பு மற்றும் கடுவெல நீதிமன்றங்களில் மக்களை மோசடி செய்தமை தொடர்பில் வழக்குகள் நிலுவையில் உள்ளதாகவும் பொலிஸ் ஊடகப் பேச்சாளர் தெரிவித்துள்ளார்.

பணத்தை முதலீடு செய்தவர்களில் அமைச்சர்கள், முன்னாள் அமைச்சர்கள், உயரதிகாரிகள், தொழிலதிபர்கள், நடிகர்கள், பிரபலங்கள், சமூகத்தின் உயர்மட்டத்தைச் சேர்ந்த பிரபலங்கள் என பலதரப்பட்டவர்களும் உள்ளதாக பொலிஸ் வட்டாரங்கள் தெரிவிக்கின்றன.

சந்தேகநபருக்கு எதிராக கிடைக்கப்பெற்ற 8 முறைப்பாடுகள் தொடர்பில் குற்றப் புலனாய்வுப்பிரிவினர் விசாரணைகளை ஆரம்பித்துள்ளனர்.

குறித்த சந்தேகநபருக்கு 10 கோடி ரூபாவை வழங்கியதாகக் கூறப்படும் முன்னாள் ஆளுநர் குற்றப் புலனாய்வுத் திணைக்களத்திலும் முறைப்பாடு செய்துள்ள நிலையில், அவருக்கு மூன்று தடவைகள் பணம் வழங்கப்பட்டதாக அவர் முறைப்பாடு செய்துள்ளார்.

குற்றப் புலனாய்வுப் பிரிவினரால் கைது செய்யப்பட்ட குறித்த பெண் எதிர்வரும் 19ஆம் திகதி வரை விளக்கமறியலில் வைக்கப்பட்டுள்ளார்.