லங்காசிறி FM
பரபரப்பான கட்டத்தில் உயிர்த்த ஞாயிறு தாக்குதல் வழக்கு! அடுத்துவரும் நாட்களில் வெளிவரவுள்ள பல உண்மைகள்
உயிர்த்த ஞாயிறு தாக்குதலுடன் தொடர்புடைய 25 சந்தேகநபர்களுக்கு எதிராக கொழும்பு மேல் நீதிமன்றத்தில் விசாரிக்கப்படும் வழக்கின், தற்காப்புத் தரப்பு சாட்சிகளை விசாரிக்கும் நடவடிக்கை நீதிமன்றத்தில் விசாரிக்கப்பட்டு வருகின்றது.
அரசாங்கத் தரப்பு சாட்சிகளை விசாரிக்கும் நடவடிக்கை நிறைவடைந்துள்ளது.
அரசாங்கத் தரப்பு வலுவான வழக்கினை சமர்ப்பித்துள்ளதாக தீர்மானித்த நீதிபதிகள் குழாம், தற்காப்புத் தரப்பு தமது நிலையை முன்வைக்குமாறு உத்தரவிட்டது.
மேல் நீதிமன்ற நீதிபதிகள் அடங்கிய கொழும்பு நிரந்தர மூவரடங்கிய மேல்நீதிமன்ற நீதிபதிகள் குழாமே இந்த அறிவிப்பை வெளியிட்டது. குற்றவியல் நடைமுறை சட்டக் கோவையின் 200 பிரிவின் கீழ் தற்காப்புத் தரப்பு அறிக்கைகளை சமர்ப்பிக்குமாறு உத்தரவிடப்பட்டுள்ளது.
குறுக்கு விசாரணை
இந்த சந்தர்ப்பத்தில், பிரதிவாதிகள் சாட்சிக் கூண்டில் ஏறி குறுக்கு விசாரணைக்கு உட்படுத்தப்பட்டு சாட்சியமளிக்க, பிரதிவாதி கூண்டில் இருந்தவாறு அறிக்கை ஒன்றை வெளியிட, சாட்சிகளை அழைக்க அல்லது மௌனமாக இருக்க சந்தர்ப்பம் உள்ளது.
அதற்கமைய, தற்போது இவவழக்கில் சந்தேகநபர்களாக பெயரிடப்பட்டுள்ள 24 பேரில், சட்டத்தரணி பிரதிநிதித்துவம் அற்ற சந்தேகநபரான 6 ஆம் இலக்க பிரதிவாதியான ரிஸ்கான் மௌனமாக இருக்கப் போவதாக அறிவிக்கப்பட்டுள்ளது.
ஏனைய 23 பிரதிவாதிகளும் பிரதிவாதி கூண்டில் இருந்தவாறு அறிக்கை வெளியிடவுள்ளனர்.
தற்காப்புத் தரப்பு வழக்கு
பிரதிவாதிகள் சாட்சிக் கூண்டில் இருந்து சாட்சியமளிக்காத சந்தர்ப்பத்தில், அவர்களது கூற்றுகள் தொடர்பில் அரசாங்கத் தரப்பு குறுக்கு விசாரணை செய்யும் வாய்ப்பு இல்லை என்பது குறிப்பிடத்தக்கது.
எனினும், சாட்சியச் சட்டத்தின் 165 ஆம் பிரிவின் கீழ் நீதிமன்றம் சில தெளிவுபடுத்தல்களைப் பெற்றுக்கொள்வதற்காகக் குற்றவாளிகளிடம் கேள்விகளை எழுப்பும் அதிகாரம் உள்ளது. அத்துடன், சில பிரதிவாதிகள் தமக்கு சாதகமாக சாட்சிகளை முன்வைக்கவுள்ளதாகவும் தெரிவித்தனர்.
தற்காப்புத் தரப்பு வழக்கு ஆரம்பிக்கப்பட்டதன் பின்னர் சாட்சிகளை முன்வைக்கும் குற்றவாளிகள் தமது சாட்சிகளின் பட்டியலை நீதிமன்றத்திற்கு அறிவிக்க வேண்டும்.
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
மானிப்பாய், Florida, United States, Southgate, United Kingdom
24 Sep, 2026
புலோலி கிழக்கு, Villeneuve-Saint-Georges, France
30 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
