லங்காசிறி FM
ரணிலின் கைது காரணமாக உயிரிழந்த பல்கலைக்கழக வேந்தர்! எழுந்துள்ள சர்ச்சை
ரணில் விக்ரமசிங்கவின் கைது காரணமாக ஏற்பட்ட அதிர்ச்சியினால் லோர்ட் போல் ஒஃப் மேரிலேபோன் திடீரென உயிரிழந்திருக்கலாம் என ஜனாதிபதி சட்டத்தரணி திலக் மாரப்பன நீதிமன்றத்தில் தெரிவித்துள்ளார்.
1999 முதல் வோல்வர்ஹாம்டன் பல்கலைக்கழகத்தின் வேந்தராகப் பணியாற்றிய லோர்ட் போல் என் அழைக்கப்படும் ஸ்வராஜ் போலின் அழைப்பின் பேரில் ரணில் விக்ரமசிங்க பிரித்தானியாவுக்கு பயணம் செய்ததாக திலக் மாரப்பன குறிப்பிட்டுள்ளார்.
அபத்தமான வழக்கு
இது ஒரு அபத்தமான வழக்கு. ஒரு ஜனாதிபதி பயணம் செய்ய உரிமை உண்டு, மேலும் அனைத்து செலவுகளும் கணக்காய்வாளர் நாயகத்தினால் முறையாகக் கணக்கிடப்படுகின்றன.
ஏதேனும் பிரச்சினை இருந்தால், கைதுக்கு மாறாக, மேலதிக கட்டணம் அறவிட்டிருக்க முடியும். எனினும் இந்த நடவடிக்கை இலங்கைக்கு பெரும் அவப்பெயரை ஏற்படுத்தியுள்ளது என்று அவர் நீதிமன்றத்தில் தெரிவித்துள்ளார்.
ரணில் விக்ரமசிங்கவின் விளக்கமறியல் சர்வதேச அளவில் விளைவுகளை ஏற்படுத்தியது என்று அவர் வாதிட்டுள்ளார்.
லோர்ட் போல் முன்னாள் ஜனாதிபதியை பிரித்தானியாவில் ஒரு நிகழ்வில் கலந்து கொள்ள அழைத்திருந்தார் என்பதையும் குறிப்பிட்டார்.
நீதிமன்றில் குழப்பம்
இவர் விடுதலைப் புலிகளின் தடை மற்றும் GSP+ சலுகைகள் போன்ற முக்கியமான விடயங்களில் இலங்கையை ஆதரித்த புகழ்பெற்ற நபர். இந்த சம்பவம் அத்தகைய நபர்களை சங்கடப்படுத்தியுள்ளது.
துரதிர்ஷ்டவசமாக, இந்த சர்ச்சை எழுந்த உடனேயே லோர்ட் போல் காலமானார். ரணில் விக்ரமசிங்க கைது செய்யப்பட்டதாகக் கேள்விப்பட்ட அதிர்ச்சி அவரது மரணத்திற்குக் காரணமா என்பது எங்களுக்குத் தெரியாது என திலக் மாரப்பன குறிப்பிட்டுள்ளார்.
இதனிடையே, வோல்வர்ஹாம்டன் பல்கலைக்கழகம், ஒரு அதிகாரப்பூர்வ அறிக்கையில், அதன் வேந்தரின் மரணத்தை உறுதிப்படுத்தியுள்ளது.
எனினும் லோர்ட் போல் ஒஃப் மேரிலேபோன் ஒகஸ்ட் 21ஆம் திகதி காலமாகியுள்ளார், ரணில் விக்ரமசிங்க 22ஆம்திகதி கைது செய்யப்பட்டார்.
இந்தநிலையில் ஜனாதிபதி சட்டத்தரணி திலக் மாரப்பன நீதிமன்றத்தில் இவ்வாறு தெரிவித்திருப்பது குழப்பத்தை ஏற்படுத்தியுள்ளது.
புங்குடுதீவு, பரிஸ், France, London, United Kingdom
10 Jul, 2026
சாரையடி, வத்தளை, Riyadh, Saudi Arabia, North York, Canada
14 Jul, 2026
கரம்பொன், யாழ்ப்பாணம், அக்கரைப்பற்று, Scarborough, Canada
13 Jul, 2026
அனலைதீவு, கொழும்பு, யாழ்ப்பாணம், Jakarta, Indonesia, சென்னை, India, Toronto, Canada
26 Jun, 2025
கொல்லன்கலட்டி, மல்லாகம், Vancouver, Canada, Tooting, United Kingdom
14 Jul, 2011
Conflans-Sainte-Honorine, France, London, United Kingdom, Nanterre, France
01 Jul, 2026
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
