மன்னார் மாவட்டத்தின் பிரச்சினைகள் குறித்து விசேட கலந்துரையாடல்

மன்னார் மாவட்டத்தில் நிலவும் பிரச்சனைகள் குறித்து கலந்துரையாடப்பட்டது.

மன்னார் மாவட்ட அரசாங்க அதிபர் க.கனகேஸ்வரன் தலைமையில் பொது நிர்வாகம், மாகாண சபைகள் மற்றும் உள்ளூராட்சி அமைச்சர் பேராசிரியர் ஏ.எச்.எம்.எச். அபேரத்ன பங்கேற்புடன் இந்த விசேட கலந்துரையாடல் இடம்பெற்றது.

குறிப்பாக அரச நிர்வாகம் மற்றும் ஊழியர் பற்றாக்குறை தொடர்பாகவும், பொது நிர்வாக அமைச்சின் வழிகாட்டலின் கீழ், மாவட்டத்தில் நிலவும் அதிகாரி மற்றும் ஊழியர் பற்றாக்குறைக்கான உடனடி தீர்வுகள் வழங்குவது குறித்து ஆராயப்பட்டது.

வாழ்வாதாரப் பிரச்சினை

மேலும் மல்வத்து ஓயா திட்டத்தின் மூலம் மன்னார் பிரதேசத்தில் பாரிய அபிவிருத்திகளை மேற்கொள்வது குறித்தும், அதன் மூலம் பிராந்திய மக்களின் சுகாதார மற்றும் வாழ்வாதாரப் பிரச்சினைகளுக்கு தீர்வு காண்பது பற்றியும் கலந்துரையாடப்பட்டது.

மக்களின் சுகாதார தேவைகளை பூர்த்தி செய்யும் வகையில், எதிர்வரும் 16 ஆம் திகதி முதல் மருத்துவமனை பணிகளை முறையாக ஆரம்பிப்பதற்கான முதல் கட்ட நடவடிக்கைகள் குறித்தும் ஆராயப்பட்டது.

பிராந்தியத்தில் உள்ள இயற்கை வளங்களை அதிகபட்ச பயனுள்ள முறையில் எவ்வாறு பயன்படுத்துவது என்பது குறித்து கலந்துரையாடப்பட்டது.

குறிப்பாக அரச அதிகாரிகளின் பற்றாக்குறையை நிவர்த்தி செய்யவும், அவர்களுக்கு தேவையான வாகன வசதிகள் மற்றும் உள்ளூராட்சி மன்றங்களுக்கு தேவையான இயந்திர உபகரணங்களை வழங்குவதற்கும் நடவடிக்கைகள் எடுக்கப்பட்டு வருவதாக அமைச்சர் சுட்டிக்காட்டினார். 

மணல் அகழ்வு

இதேவேளை, மன்னார் மாவட்டத்தில் நீண்ட காலமாக நிலவி வரும் கனிம வளங்கள் மற்றும் வனப்பகுதிகள் தொடர்பான பிரச்சினைகளுக்கு தீர்வு காணும் வகையில், இன்று (11) மதியம் மன்னார் மாவட்ட செயலகத்தில் விசேட கலந்துரையாடல் இடம்பெற்றது.

மன்னார் மாவட்ட அரசாங்க அதிபர் க. கனகேஸ்வரன் அவர்களின் ஒருங்கிணைப்பில்,பிரதி அமைச்சரும் மன்னார் அபிவிருத்திக் குழுத் தலைவருமான உபாலி சமரசிங்க தலைமையில் நடைபெற்ற இந்தக் கலந்துரையாடலில் வனவளத் திணைக்கள அதிகாரிகள், பிரதேச செயலாளர்கள் உள்ளிட்ட பல்வேறு அரச அதிகாரிகள் கலந்து கொண்டனர்.

குறிப்பாக, மன்னார் மாவட்டத்தில் நடைமுறையில் உள்ள 48 மணல் அகழ்வு அனுமதி பத்திரங்கள், மல்வத்து ஓயா சார்ந்த பகுதிகளில் இடம்பெற்ற மணல் அகழ்வு, பிரதேச செயலகங்களுக்கும் வனப் பாதுகாப்புத் திணைக் களத்திற்கும் இடையிலான அதிகார வரம்புகள் உள்ளிட்ட விடயங்கள் தொடர்பில் விரிவாக ஆராயப்பட்டது.

மேலும், மணல், மற்றும் கல் அகழ்வுக்கு அனுமதிகளை முறையானதும் விஞ்ஞானபூர்வமான துமான நடைமுறையின் கீழ் வழங்குவது தொடர்பாக கலந்துரையாடப்பட்டது.

மோட்டார் சைக்கிள்கள் மோதி இருவர் காயம்

பருத்தித்துறையில் இராணுவம் மற்றும் கடற்படையால் அபகரிக்கப்பட்ட காணிகள்! உடனடியாக விடுவிக்ககோரி போராட்டம்