லங்காசிறி FM
ஹைப்பர்சோனிக் தாக்குதல்! நெருக்கடியில் இஸ்ரேலின் ஏவுகணை பாதுகாப்பு அமைப்பு
இஸ்ரேலின் வான் பாதுகாப்பு அமைப்பு, குறிப்பாக ஐரன் டோம் (Iron Dome), டேவிட்ஸ் ஸ்லிங் (David's Sling) மற்றும் ஏரோ சிஸ்டம் (Arrow System) ஆகியவை உலகின் மிக மேம்பட்ட வான் பாதுகாப்பு அமைப்புகளாகக் கருதப்படுகின்றன.
இருப்பினும், 2025-ஆம் ஆண்டில் இஸ்ரேல்-ஈரான் மோதல் தீவிரமடைந்ததால், இந்த அமைப்புகளின் செயல்திறன் விகிதம் குறித்து பல கேள்விகள் எழுந்துள்ளன.
இஸ்ரேலின் வான் பாதுகாப்பு அமைப்பின் ஏவுகணைகளை தடுக்கும் திறன் 90% இல் இருந்து 60% ஆக குறைந்துவிட்டமையை இஸ்ரேலிய அதிகாரிகள் உறுதிப்படுத்தியதாக சில சர்வதேச ஊடகங்களில் கூறப்பட்டுள்ளது.
அமெரிக்க இராணுவ தொழில்நுட்பங்கள்
இதனால் அமெரிக்க இராணுவ தொழில்நுட்பங்களின் நம்பகத்தன்மை கேள்விக்குள்ளாகியுள்ளதாகவும் குறிப்பிடப்பட்டுள்ளது.
மேலும், ஈரானின் பெரிய அளவிலான ஏவுகணை மற்றும் ட்ரோன் தாக்குதல்களால் இந்த அமைப்புகள் அதிக அழுத்தத்திற்கு உள்ளாகியிருப்பதாகவும் தெரிவிக்கப்படுகிறது.
2024 ஒக்டோபரில் ஈரான் நடத்திய ஆபரேஷன் ட்ரூ ப்ராமிஸ் II தாக்குதலில், ஈரான் சுமார் 200 பாலிஸ்டிக் ஏவுகணைகளை இஸ்ரேல் மீது செலுத்தியது.
இந்தத் தாக்குதல்கள் இஸ்ரேலின் வான் பாதுகாப்பு அமைப்புகளை விட மிகப்பெரிய அளவில் இருந்ததாகவும், இதனால் கணிசமான சேதம் ஏற்படவில்லை என்றாலும், அமைப்புகளை தாக்க முயன்றதாகவும் கூறப்பட்டது .
எனினும், 2025 ஜூன் 17 அன்று, ஹைஃபாவில் உள்ள எண்ணெய் சுத்திகரிப்பு ஆலை மீது ஏவுகணைத் தாக்குதல் நடந்ததாகவும், இது இஸ்ரேலின் வான் பாதுகாப்பு அமைப்புகளின் பலவீனத்தை வெளிப்படுத்தியதாகவும் அந்நாட்டு ஊடகம் ஒன்று செய்தி வெளியிட்டுள்ளது.
ஹைபர்சோனிக் ஏவுகணை
ஈரான் ஹைபர்சோனிக் ஏவுகணைகள் மற்றும் மேம்பட்ட ட்ரோன்களைப் பயன்படுத்துவதாக எக்ஸ் பதிவுகள் குறிப்பிடுகின்றன, இவை இஸ்ரேலின் வான் பாதுகாப்பு அமைப்புகளை ஊடுருவுவதற்கு சவால் விடுக்கின்றன.
மேலும், AI உருவாக்கிய தவறான தகவல்கள், இஸ்ரேலின் வான் பாதுகாப்பு அமைப்புகள் தோல்வியடைந்ததாகக் கூறி பரவி வருவதால், உண்மையான செயல்திறன் விகிதம் குறித்து குழப்பம் ஏற்பட்டுள்ளது. இவை மோதலின் உளவியல் தாக்கத்தை அதிகரிப்பதாக சிள ஆய்வாளர்கள் கூறியுள்ளனர்.
இதன்படி இஸ்ரேலின் வான் பாதுகாப்பு அமைப்புகள் இன்னும் உலகின் மிகச்சிறந்தவையாக இருந்தாலும், புதிய தொழில்நுட்பங்கள் மற்றும் பெரிய அளவிலான தாக்குதல்கள் இவற்றின் திறனை சோதிக்கின்றன.
ஈழத் தமிழர் இனி செய்யவேண்டியது என்ன! 7 மணி நேரம் முன்
யாழ் தும்பளை மேற்கு, Jaffna, புலோலி வடக்கு, London, United Kingdom
16 Jun, 2025
அரியாலை, கொழும்பு, Georgetown, Guyana, Edgware, United Kingdom
17 Jun, 2025
கிருலப்பனை, பருத்தித்துறை, Mengede, Germany, Dortmund, Germany
17 Jun, 2025
முல்லைத்தீவு, கொழும்பு, நல்லூர், மெல்போன், Australia
15 Jun, 2025
மாதகல், மாங்குளம், Amsterdam, Netherlands, Nuremberg, Germany
01 Jun, 2024
வல்வெட்டித்துறை, London, United Kingdom, Aylesbury, United Kingdom
13 Jun, 2025
