உக்கிரமடையும் காசா போர்க்களம்...! இஸ்ரேல் மீது பராக் ஒபாமா குற்றச்சாட்டு

Barack Obama Israel World Israel-Hamas War

By Thulsi Nov 06, 2023 10:35 AM GMT

Thulsi

in உலகம்

Report

இஸ்ரேல் மற்றும் ஹமாஸ் அமைப்பினருக்கு இடையில் நடைபெற்று வரும் போரில் எந்த வித தொடர்பும் இல்லாத அப்பாவி பொதுமக்களே பலியாகிறார்கள் என முன்னாள் அமெரிக்க ஜனாதிபதி பராக் ஒபாமா கவலை வெளியிட்டுள்ளார்.

அத்துடன் பாலஸ்தீனியர்கள் மீது இஸ்ரேல் புரியும் ஆக்கிரமிப்புக்களும் நியாயமற்றவையே என முன்னாள் அமெரிக்க ஜனாதிபதி குறிப்பிட்டுள்ளார்.

நாளுக்கு நாள் உக்கிரமடையும் போரில் பலியாகும் மக்களின் எண்ணிக்கையும் அதிகரித்துக் கொண்டே செல்கின்றது. இந்நிலையில், போர் தொடர்பில் கருத்து தெரிவிக்கும் போதே பராக் ஒபாமா இந்த விடயத்தினை குறிப்பிட்டுள்ளார்.

மனிதாபிமான உதவி

அவர் மேலும் தெரிவிக்கையில், ஹமாஸ் அமைப்பு மேற்கொண்ட தாக்குதல் பயங்கரமானது, அது நியாயமற்ற ஓர் செயலாகும்.

உக்கிரமடையும் காசா போர்க்களம்...! இஸ்ரேல் மீது பராக் ஒபாமா குற்றச்சாட்டு | Israel Hamas War Updates Barack Obama

அதே போல் பாலஸ்தீனியர்கள் மீது இஸ்ரேல் புரியும் ஆக்கிரமிப்புக்களும் நியாயமற்றவையே என முன்னாள் அமெரிக்க ஜனாதிபதி தெரிவித்துள்ளார்.

பலஸ்தீன மக்களுக்கு உலக நாடுகள் அடிப்படை மனிதாபிமான உதவிகளை செய்து வந்தாலும், ஐ.நா முகாம் அமைந்துள்ள பகுதியை தவிர ஏனைய இடங்களில் தாக்குதல்கள் தொடர்ந்த வண்ணமே உள்ளது.

இப்போதைய நிலவரப்படி ஹமாஸ் செய்த குற்றங்களுக்காக எந்த வித தொடர்பும் அறியாத அப்பாவி பொதுமக்களே பலியாகிறார்கள் என ஒபாமா தெரிவித்துள்ளார்.