லங்காசிறி FM
பிரித்தானியாவுக்கு ஈரான் விடுத்துள்ள கடும் எச்சரிக்கை.. போர்பதற்றத்தில் திடீர் திருப்பம்
Sajithra
in ஐக்கிய இராச்சியம்
அமெரிக்கா, தனது இராணுவ தளங்களை பயன்படுத்த பிரித்தானியா அனுமதி வழங்கியிருப்பது தாக்குதலில் நேரடி பங்கேற்பாகவே பார்க்கப்படும் என ஈரானின் வெளிவிவகார அமைச்சர் சையத் அப்பாஸ் அராக்சி எச்சரித்துள்ளார்.
பிரித்தானியாவின் உள்துறை செயலாளர் யெவெட் கூப்பருடன் நடைபெற்ற தொலைபேசி உரையாடலில், பிரித்தானியாவின் “பாகுபாடான மற்றும் எதிர்மறையான நிலைப்பாடு” குறித்தும் அவர் கடுமையாக விமர்சித்ததாக தெரிவிக்கப்படுகிறது.
மேலும், பிரித்தானியாவை அமெரிக்காவுடன் எந்தவொரு இராணுவ ஒத்துழைப்பையும் நிறுத்துமாறு வலியுறுத்தியுள்ளார்.
போரில் பங்கேற்பு..
ஆரம்ப தாக்குதல்களில் அமெரிக்காவுக்கு தளங்களை பயன்படுத்த அனுமதி அளிக்கவில்லை என பிரித்தானியா தெரிவித்திருந்தாலும், பின்னர் ஈரானின் ஏவுகணை தாக்குதல்களுக்கு எதிரான பாதுகாப்பு நடவடிக்கைகளுக்காக மட்டும் தளங்களை பயன்படுத்த அனுமதி வழங்கியதாக கூறியது.
பிரித்தானியா வெளியிட்ட அறிக்கையில், “நாங்கள் ஆரம்ப தாக்குதல்களில் ஈடுபடவில்லை, பெரிய அளவிலான போரில் இழுக்கப்பட மாட்டோம்” என்று தெரிவித்துள்ளது.
அதேசமயம், பிரதமர் கெய்ர் ஸ்டார்மர் தனது நிலைப்பாட்டை பாதுகாத்து, “பிரித்தானியாவின் நலனுக்கு ஏற்றவாறு தான் நான் செயல்படுகிறேன்” என்று கூறினார்.
அமெரிக்க ஜனாதிபதி டொனால்ட் ட்ரம்ப், இந்த மோதலில் பிரித்தானியா அதிகமாக ஈடுபடவில்லை என பலமுறை விமர்சித்திருந்தார்.
ட்ரம்பின் அதிருப்தி
ஈரான், இஸ்ரேல் தெற்கு பார்ஸ் இயற்கை எரிவாயு வளாகத்தை தாக்கியதற்குப் பதிலடியாக கட்டாரில் உள்ள ஆற்றல் வளங்களை இலக்காகக் கொண்டதாகவும் தெரிவித்துள்ளது.
இதனுடன், உலகின் முக்கியமான எண்ணெய் கடத்தல் வழியான Strait of Hormuz ஊடாக செல்லும் கப்பல்களின் எண்ணிக்கை கடுமையாக குறைந்துள்ளது.
ஈரான் ட்ரோன்கள் மற்றும் ஏவுகணைகள் மூலம் சில கப்பல்களை தாக்கும் என எச்சரித்துள்ளது. இந்த நிலைமை காரணமாக உலகளவில் எண்ணெய் மற்றும் எரிவாயு விலைகள் அதிகரித்து, நிதி சந்தைகளிலும் அதிர்வுகள் ஏற்பட்டுள்ளன.
இந்நிலையில், கெய்ர் ஸ்டார்மர், கூட்டாளிகளுடன் இணைந்து ஹோர்முஸ் நீரிணையை மீண்டும் திறக்க ஒரு செயல்பாடான கூட்டு திட்டம் உருவாக்கப் பணியாற்றி வருவதாக தெரிவித்தார்.
மேலும், இந்த மோதல் நீடித்தால் வாழ்க்கைச் செலவு மேலும் உயரும் என்றும், தீர்வு பேச்சுவார்த்தை மூலமே கிடைக்கும் என்றும் அவர் வலியுறுத்தினார்.
மானிப்பாய், கொக்குவில், மட்டக்களப்பு, அண்ணா நகர், India, London, United Kingdom
27 Mar, 2025
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
கோண்டாவில் மேற்கு, Frankfurt, Germany, Wiesbaden, Germany
12 Mar, 2026
வல்வெட்டித்துறை, London, United Kingdom, Brampton, Canada
16 Mar, 2026
