இஷாரா செவ்வந்திக்கு தங்குமிடம் வழங்கிய பக்கோ சமனின் தாயார் - பின்னணியில் வெளியாகியுள்ள தகவல்கள்

பூஸா உயர் பாதுகாப்பு சிறையில் அடைக்கப்பட்டுள்ள ஒழுங்கமைக்கப்பட்ட குற்றக்கும்பலை சேர்ந்த 'பெக்கோ சமன்' என்பவரின் தாயார் சுட்டுக்கொல்லப்பட்ட சம்பவம் தொடர்பாக மேலும் பல தகவல்கள் வெளியாகியுள்ளன.

மித்தெனிய பொலிஸ் பிரிவுக்கு உட்பட்ட உல்ஹிதியாவ பகுதியில் உள்ள வீட்டிற்கு வருகை தந்த அடையாளம் தெரியாத இரண்டு நபர்கள் (12) துப்பாக்கிச்சூடு நடத்தி தப்பிச்சென்றனர்.

இந்த துப்பாக்கிச்சூட்டில் படுகாயமடைந்த 'பெக்கோ சமன்' என்பவரின் தாயார், மித்தெனியா மருத்துவமனையில் அனுமதிக்கப்பட்ட பின்னர் சிகிச்சை பலனின்றி உயிரிழந்தார்.

அவசரமாக இடமாற்றப்பட்ட இஷாரா செவ்வந்தி! தீவிரமடையும் விசாரணை

கணேமுல்ல சஞ்சீவவின் கொலைக்கு உடந்தை

இதனையடுத்து முன்னெடுக்கப்பட்ட விசாரணையில், கணேமுல்ல சஞ்சீவவின் கொலைக்கு உடந்தையாக இருந்ததற்காக கைது செய்யப்பட்டு, தற்போது விளக்கமறியலில் வைக்கப்பட்டுள்ள இஷாரா செவ்வந்திக்கு, கொலைக்கு பிறகு பக்கோ சமனின் தாயார் தங்குமிடம் வழங்கியுள்ளார் என்பது தெரியவந்துள்ளது.

நாட்டை விட்டு தப்பிச்செல்வதற்காக இஷாரா செவ்வந்திக்கு யாழ்ப்பாணத்திற்கு பயண வசதிகளை செய்து கொடுத்தவரும் பக்கோ சமன் என்பதும் தெரியவந்துள்ளது.

இதன் விளைவாக, கணேமுல்ல சஞ்சீவவுக்கு விசுவாசமான கரந்தெனிய சுத்தாவின் கும்பலால் அவரது தாயார் சுட்டுக்கொல்லப்பட்டிருக்கலாம் என்று பொலிஸார் சந்தேகிக்கின்றனர்

கணேமுல்ல சஞ்சீவவின் கொலைக்கு பிறகு இஷாரா செவ்வந்தி மாத்தறை மற்றும் வவுனியாவில் தங்கியிருந்ததாகவும், பின்னர் யாழ்ப்பாணத்திலிருந்து படகு மூலம் இந்தியாவிற்குத் தப்பிச் சென்றதாகவும் தெரிவிக்கப்பட்டது.

இதற்கிடையில், கொலைக்காக துப்பாக்கிதாரிகள் வந்ததாக சந்தேகிக்கப்படும் மோட்டார் சைக்கிள், நேற்று காலை (13) மாத்தறை பகுதியில் உள்ள ஒரு தேயிலைத் தோட்டத்தில் கைவிடப்பட்ட நிலையில் கண்டுபிடிக்கப்பட்டுள்ளது.

கஜ்ஜா மற்றும் அவரது இரண்டு குழந்தைகளின் கொலை

அதன்படி, கைரேகை பதிவு செய்யும் அதிகாரிகளும், தங்கல்லை பிரிவு குற்றப் புலனாய்வுப் பணியக அதிகாரிகளும் சம்பவ இடத்திற்கு வந்து இவ்விடயம் குறித்து விசாரணையைத் தொடங்கியுள்ளனர்.

இந்தோனேசியாவில் ஒழுங்கமைக்கப்பட்ட குற்றவாளியான கெஹெல்பத்தர பத்மேவுடன் கைது செய்யப்பட்டு நாட்டிற்குக் கொண்டுவரப்பட்ட பெக்கோ சமன், தற்போது நீதிமன்றக் காவலில் வைக்கப்பட்டுள்ளார்.

அருணா விதானகமகே என்ற மிதெனியே கஜ்ஜா மற்றும் அவரது இரண்டு குழந்தைகளின் கொலையிலும் பெக்கோ சமன் மீது குற்றம்சாட்டப்பட்டுள்ளது.

மேலும், மித்தெனிய பகுதியில், முன்னதாக பெக்கோ சமன் மற்றும் பிறருடன் கைது செய்யப்பட்ட லஹிருவின் வீடு, கடந்த மாதம் 8ஆம் திகதி சிலரால் தீக்கிரையாக்கப்பட்டது.

வீட்டிற்குத் தீ வைக்கப்பட்டபோது லஹிருவின் தாயார் அங்கிருந்ததாகவும், தீ விபத்தில் அவருக்கு எந்த பாதிப்பும் ஏற்படவில்லை என்றும் பொலிஸ் பிரிவு தெரிவித்துள்ளது.

முன்னாள் அமைச்சரின் பெருந்தொகை எரிபொருள் மோசடி அம்பலம்

பெக்கோ சமன் தாயார் கொலை விவகாரம்! வெளிநாட்டில் தீட்டப்பட்ட திட்டம் தொடர்பில் வெளியான தகவல்