லங்காசிறி FM
கட்டுநாயக்க விமான நிலையத்தில் சிக்கிய கோடிக்கணக்கான போதைப்பொருள் - இந்தியர் கைது
கட்டுநாயக்க விமான நிலையத்தில் மேற்கொள்ளப்பட்ட சோதனையின் போது, சுமார் 454 மில்லியன் ரூபாய் பெறுமதியான போதைப்பொருள் கைப்பற்றப்பட்டுள்ளது.
இலங்கை சுங்கத்தின் போதைப்பொருள் கட்டுப்பாட்டுப் பிரிவு அதிகாரிகளால் நேற்று (28) கைப்பற்றப்பட்டுள்ளது.
இந்திய நாட்டவர் கைது
இதன்போது கொக்கைன் மற்றும் எக்ஸ்டசி (Ecstasy) ஆகிய போதைப்பொருட்களுடன் 46 வயதான இந்திய நாட்டவர் கைது செய்யப்பட்டுள்ளார்.
தொழிலால் பொறியியலாளரான குறித்த பயணி, கட்டார் ஏர்வேஸ் நிறுவனத்திற்குச் சொந்தமான QR 654 என்ற விமானத்தில் பாரிஸிலிருந்து தோஹா வழியாக இலங்கைக்கு வருகை தந்துள்ளார்.
விமான நிலையத்தில் மேற்கொள்ளப்பட்ட மேலதிக விசாரணைகளுக்காக சுங்க போதைப்பொருள் கட்டுப்பாட்டுப் பிரிவு அதிகாரிகளால் இவர் தடுப்புக் காவலில் வைக்கப்பட்டுள்ளார்.
குறித்த பயணியின் பயணப் பைகளைச் சோதனையிட்டபோதே இந்தப் போதைப்பொருட்கள் கண்டறியப்பட்டதுடன், மேலதிக பரிசோதனையில் அவை கொக்கைன் மற்றும் எக்ஸ்டசி போதைப்பொருட்கள் என அடையாளம் காணப்பட்டுள்ளன.
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
