லங்காசிறி FM
நுவரெலியாவில் தொடரும் கனமழை - தாழ்நில மக்களுக்கு எச்சரிக்கை..!
நுவரெலியா மாவட்டத்தில் பெய்து வரும் தொடர் கனமழை காரணமாக பிரதான நீர்த்தேக்கங்களின் நீர்மட்டம் சடுதியாக உயர்ந்து வருகின்றது.
இதற்கமைய, தலவாக்கலை மற்றும் மேல் கொத்மலை நீரேந்தும் பிரதேசங்களில் பெய்து வரும் அதிக மழை காரணமாக மேல் கொத்மலை நீர்த்தேக்கத்தின் நீர்மட்டம் அதிகரித்துள்ளது.
இதனையடுத்து, குறித்த நீர்த்தேக்கத்தின் இரண்டு வான் கதவுகள் தொடர்ச்சியாகத் திறக்கப்பட்டுள்ளன. தொடர்ந்தும் மாலை வேளைகளில் கனமழை பெய்து வருவதால் நீர்த்தேக்கத்தின் நீர்மட்டம் மேலும் அதிகரிக்கும் பட்சத்தில் மேலதிக வான் கதவுகளும் திறக்கப்பட வேண்டிய நிலை ஏற்படலாம் என நீர்த்தேக்கத்திற்குப் பொறுப்பான பொறியியலாளர்கள் தெரிவித்துள்ளனர்.
எனவே, கொத்மலை நீர்த்தேக்கத்திற்கு கீழ் அமைந்துள்ள தாழ்நிலப் பகுதிகளில் வசிக்கும் மக்கள் மிகுந்த அவதானத்துடன் இருக்குமாறும் அவர்கள் கேட்டுக்கொண்டுள்ளனர்.
நீர்த்தேக்கங்களின் நீர்மட்டம் உயர்வு
இதேவேளை, தொடர் மழை காரணமாக காசல்ரீ, மவுசாக்கலை, கெனியன், லக்ஸபான, நவலக்ஸபான, பொல்பிட்டிய மற்றும் விமலசுரேந்திர உள்ளிட்ட ஏனைய பிரதான நீர்த்தேக்கங்களின் நீர்மட்டங்களும் அதிகரித்து வருகின்றன. இதனால், குறித்த நீர்த்தேக்கங்களின் வான் கதவுகளும் எந்த நேரத்திலும் திறக்கப்படக்கூடிய சாத்தியம் காணப்படுகின்றது.
எனவே, நீர்த்தேக்கங்களை அண்மித்த ஆற்றுப் பகுதிகளிலும் தாழ்நிலப் பகுதிகளிலும் வசிக்கும் மக்கள் அவதானத்துடன் செயற்படுமாறும், ஆறுகளின் நீர்மட்ட அதிகரிப்பு தொடர்பில் விழிப்புடன் இருக்குமாறும் இடர் முகாமைத்துவ மத்திய நிலைய அதிகாரிகள் பொதுமக்களிடம் கேட்டுக்கொண்டுள்ளனர்.
தொடர் மழை மற்றும் நீர்த்தேக்கங்களிலிருந்து வெளியேற்றப்படும் மேலதிக நீர் காரணமாக ஏற்படக்கூடிய வெள்ள அபாயத்தைத் தவிர்க்க பொதுமக்கள் முன்னெச்சரிக்கை நடவடிக்கைகளை மேற்கொள்ள வேண்டியது அவசியமாகியுள்ளது.
பாக்ஸ் ஆபிஸ்: 6 நாள் முடிவில் தமிழகத்தில் மட்டுமே சூர்யாவின் சீன் படம் எவ்வளவு வசூல் தெரியுமா? Cineulagam
பிரித்தானியாவின் மகிழ்ச்சியான நகரங்களின் தரவரிசை: வீடுகளின் விலையில் ஏற்பட்டுள்ள உயர்வு News Lankasri
புங்குடுதீவு, கொழும்பு, Sanaa, Yemen, சென்னை, India, Toronto, Canada, Sacramento, United States
07 Nov, 2026
அல்லைப்பிட்டி, பிரான்ஸ், France
12 Nov, 2011
