லங்காசிறி FM
இந்தியாவில் கைதான ஐ.எஸ். ஐ.எஸ் பயங்கரவாதிகள் தொடர்பில் வெளியான தகவல்
அண்மையில் இந்தியாவில் கைது செய்யப்பட்ட ஐ.எஸ்.ஐ.எஸ் பயங்கரவாதிகள் என சந்தேகிக்கப்படும் நான்கு இலங்கையர்கள் நாட்டை விட்டு வெளியேறுவதற்கு முன்னர் மாளிகாவத்தை பிரதேசத்தில் இரகசிய இடத்தில் சத்தியப்பிரமாணம் செய்துள்ளதாக விசாரணைகளில் தெரியவந்துள்ளதாக இந்திய பொலிஸார் தெரிவித்துள்ளனர்.
இது ஈஸ்டர் தாக்குதலை நடத்திய சஹ்ரான் உள்ளிட்ட பயங்கரவாதிகளால் உறுதிமொழி எடுக்கப்பட்டதைப் போன்றது எனவும் பாதுகாப்புப் படையினர் கூறுகின்றனர்.
இந்தியாவில் கைது செய்யப்பட்ட பயங்கரவாதிகள் பதவிப் பிரமாணத்தின் போது எடுக்கப்பட்ட சில புகைப்படங்களை அவர்களது கைத்தொலைபேசியில் வைத்திருந்த நிலையில் இந்திய பொலிஸார் கண்டுபிடித்துள்ளனர்.
பணம் வழங்கப்பட்ட விவகாரம்
இதேவேளை, இந்தியாவின்I(India) - அகமதாபாத் விமான நிலையத்தில் வைத்து கைது செய்யப்பட்ட ஐ.எஸ்.ஐ.எஸ் உடன் தொடர்புடைய நான்கு இலங்கையர்களுடன் நெருங்கிய தொடர்பு வைத்திருந்த இருவர் நேற்று மாவனல்லையில் வைத்து பயங்கரவாத புலனாய்வு பிரிவினரால் கைது செய்யப்பட்டுள்ளனர்.
மாவனல்லையில் கைது செய்யப்பட்ட இந்த சந்தேகநபர்கள் இந்தியா செல்வதற்கு முன்னர் குறித்த நான்கு சந்தேகநபர்களுக்கும் உரிய பணத்தை வழங்க ஏற்பாடு செய்துள்ளதாகவும் தெரியவந்துள்ளது.
இவ்வாறு அனுப்பப்பட்ட பணம் குறித்து சந்தேகநபர்கள் இருவரிடமும் பயங்கரவாத புலனாய்வு பிரிவில் விசாரணை நடத்தப்பட்டு வருவதாகவும், இந்தியாவில் கைது செய்யப்பட்ட சந்தேகநபர்கள் குறித்த பல முக்கிய தகவல்கள் வெளியாகியுள்ளதாக விசாரணை அதிகாரிகள் தெரிவித்துள்ளனர்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP குழுவில் இணையுங்கள் JOIN NOW |
