சூடுப்பிடிக்கும் உலககக் கிண்ண கால்பந்தாட்ட இறுதிப்போட்டி! பிரான்ஸ் அணி வீரர்கள் தொடர்பில் வெளியான திடுக்கிடும் தகவல்

கத்தார் 2022 உலகக் கிண்ண கால்பந்தாட்டத்தின் இறுதிப் போட்டியில் நடப்புச் சம்பியன் பிரான்ஸ் அணியும் முன்னாள் சம்பியன் அணியான ஆர்ஜென்டீனாவும் இன்று மோதுகின்றன.

இந்நிலையில், பிரான்ஸின் சில வீரர்­க­ளுக்கு மர்ம வைரஸ் பாதிப்பொன்று ஏற்­பட்­டுள்­ள­தாக தகவல் வெளி­யா­கி­யுள்­ளது.

பிரான்ஸ் அணி வீரர்கள்

நேற்­று­முன்­தினம் நடைபெற்ற பிரெஞ்சு குழாம் பயிற்சியில் ரபாயெல் வ­ரேன், இப்­ரா­ஹிமா கொனாட்டே, கிங்ஸ்லி கோமன் ஆகிய மூவரும் பங்குபற்றவில்லை.

இவ்­வீ­ரர்­க­ளுக்கு தடிமன் போன்ற அறி­கு­றிகள் தென்பட்டமையே இதற்குக் காரணம் எனத் தெரிவிக்கப்பட்டுள்­ளது.

ஏற்­கெ­னவே, மொரோக்­கோ­வு­ட­னான அரை இறுதி அட்ரியென் ரபி­யொட், டெயோட் உபா­மெ­கானோ ஆகியோர் விலகி­யிருந்த­னர். எனினும் இவ்விருவரும் பின்னர் பயிற்சிகளுக்குத் திரும்பியமை குறிப்­பிடத்­­தக்கது.

ஆர்ஜென்டீன அணித்­தலைவர் மெஸியும் நேற்று­முன்தினம் பயிற்சியில் பங்குபற்றவில்லை.

அவரின் கணுக்காலில் காயம் ஏற்பட்டுள்ளமையே இதற்கு காரணம் என செய்தி வெளி­யாகி­யிருந்தது.

இறுதிப் போட்டி

எனினும், மெஸிக்கு பாதிப்பு இல்லை எனவும் அவர் இறுதிப் போட்டியில் விளை­யாடுவார் எனவும் ஆர்ஜென்டீன ஊடகமான கிளேரின் தெரி­வித்துள்ளது.

கத்தாரின் தலைநகர் தோஹாவிலிருந்து 23 கிலோமீற்றர் தூரத்திலுள்ள, அந்நாட்டின் 2 ஆவது மிகப் பெரிய நகரான லூசெய்லின், லூசெய்ல் அரங்கில் உள்ளூர் நேரப்படி இன்று மாலை 6.00 மணிக்கு (இலங்கை நேரப்­படி இரவு 8.30 மணிக்கு இப்போட்டி ஆரம்பமாகும்.

பீபாவினால் 22 தடவையாக நடத்தப்படும் உலகக் கிண்ண சுற்றுப்போட்டி இது. இந்நிலையில், ஆர்ஜென்டீனா, பிரான்ஸ் ஆகிய இரு அணி­களும் 3 தடவையாக உலகக் கிண்ணத்தை வெல்ல முயற்சிக்கின்றன.

ஆர்ஜென்டீனா 1978 மற்றும் 1986 ஆம் ஆண்டுகளில் உலக சம்பியனாகியது. 1930, 1990, 2014 ஆம் ஆண்டுகளின் இறுதிப்போட்டிகளில் ஆர்ஜென்டீனா தோல்வியுற்றது.

பிரான்ஸ் 1998, 2018 ஆம் ஆண்டுகளில் உலக சம்பியனாகியது. 2006 ஆம் ஆண்டு இறு­திப்­போட்டியில் பிரான்ஸ் தோல்­வி­யுற்­றி­ருந்­தது. இச்­சுற்­றுப்­போட்­டியில் சம்­பி­ய­னாகும் அணிக்கு வெற்றிக்­கிண்­ணத்­துடன் 42 மில்­லியன் டொலர்கள் (சுமார் 1,558 கோடி இலங்கை ரூபா) பணப்­ப­ரிசு வழங்­கப்­படும்.

2 ஆம் இடம் பெறும் அணிக்கு 30 மில்­லியன் டொலர்கள் (1,113 இலங்கை கோடி ரூபா) வழங்­கப்­படும் என்­பது குறிப்­பி­டத்­தக்­கது.

நேருக்கு நேர் ஆர்­ஜென்­டீ­னாவும் பிரான்ஸ்ம் 1930 முதல் இது­வரை 12 தட­வைக‍ேள சர்­வ­தேச போட்டிகளில் ஒன்­றை­யொன்று எதிர்த்­தா­டி­யுள்­ளன. இவற்றில் ஆர்­ஜென்­டீனா 6 தட­வை­களும் பிரான்ஸ் 3 தட­வை­களும் வென்­றுள்­ளன.

உல­கக்­ கிண்­ண வரலாற்றில் 3 தட­வைகள் இவ்வணிகள் மோதி­யதில் 2 தட­வைகள் ஆர்ஜென்டீனாவும் ஒரு தடவை பிரான்ஸ்ம் வென்­றன.

எனினும், இவ்­விரு அணி­களும் இறு­தி­யாக 2018 உலகக்கிண்ண கால்­பந்­தாட்­டத்தின் 2 ஆவது சுற்றில் மோதின. அப்­போட்­டியில் 4:3 கோல் விகி­தத்தில் பிரான்ஸ் வென்றது.

1958, 1962 ஆம் ஆண்­டு­களில் தொடர்ச்­சி­யாக 2 தட­வைகள் உலகக் கிண்­ணத்தை வென்ற பின்னர் இது­வரை எந்த நடப்புச் சம்­பி­யனும் கிண்­ணத்தை தக்­க­வைத்துக் கொள்­ள­வில்லை.

1990 இல் அப்­போ­தைய நடப்புச் சம்­பியன் ஆர்­ஜென்­டீ­னாவும் 1998 இல் நடப்புச் சம்பியன் பிரே­ஸிலும் இறுதிப் போட்­டியில் தோல்­வி­யுற்­றன என்பதும் குறிப்பிடத்தக்கது.