முல்லைத்தீவு உடையார்கட்டு வீதியில் இடம்பெற்ற விபத்து! குடும்பஸ்தர் ஒருவர் பலி

Sri Lanka Police Mullaitivu Sri Lanka

By Keethan Sep 21, 2025 07:47 AM GMT

Keethan

in விபத்து

Report

முல்லைத்தீவு உடையார்கட்டு பகுதியில் வெள்ளப்பள்ளம் சந்தியில் இடம்பெற்ற உந்துருளி விபத்தில் குடும்பஸ்தர் ஒருவர் உயிரிழந்துள்ளார்.

இந்த சம்பவம் நேற்று (20.09.2025) இரவு 7.00 மணியளவில் இடம்பெற்றுள்ளது.

வெள்ளப்பள்ளம் வீதியில் இருந்து புதுக்குடியிருப்பு பரந்தன் முதன்மை வீதியினை நோக்கி பயணித்த உந்துருளி ஒன்று பரந்தன் பக்கம் இருந்து புதுக்குடியிருப்பு பக்கம் நோக்கி வேகமாக பயணித்த உந்துருளி மோதிக்கொண்டதில் இந்த விபத்து இடம்பெற்றுள்ளது.

விசாரணை

இந்த விபத்தில் உந்துருயில் பயணித்த 26 அகவையுடைய உடையார்கட்டு தெற்கு குரவில் பகுதியினை சேர்ந்த குடும்பஸ்தர் படுகாயமடைந்த நிலையில் மூங்கிலாறு பிரதேச மருத்துவமனை கொண்டுசெல்லப்பட்ட போது அவர் உயிரிழந்துள்ளார்.

முல்லைத்தீவு உடையார்கட்டு வீதியில் இடம்பெற்ற விபத்து! குடும்பஸ்தர் ஒருவர் பலி | Family Member Died In An Accident In Mullaitivu

உயிரிழந்தவரின் உடலம், பிரேத பரிசோதனைக்காக முல்லைத்தீவு மாவட்ட மருத்துவமனைக்கு அனுப்பிவைக்கப்பட்டுள்ளது.

இந்த விபத்து தொடர்பில் புதுக்குடியிருப்பு பொலிஸார் சம்பவ இடத்திற்கு வந்து விசாரணைகளை மேற்கொண்டு விபத்தினை ஏற்படுத்திய மற்றைய உந்துருளியினை ஓட்டிச்சென்று இளைஞனையும் மோட்டார் சைக்கில்களையும் பொலிஸ் நிலையம் கொண்டு சென்றுள்ளதுடன் மேலதிக விசாரணைகளையும் முன்னெடுத்து வருகின்றார்கள்.

முல்லைத்தீவு மாவட்டத்தின் புதுக்குடியிருப்பு பிரதேசத்தில் உடையார்கட்டு,சுதந்திரபுரம்,மூங்கிலாறு, பகுதிகளில் அண்மை காலமாக விபத்துக்கள் அதிகரித்து வருகின்றமை குறிப்பிடத்தக்கது.