லங்காசிறி FM
நியூயோர்க் கப்பல் அணிவகுப்பிலிருந்து சுற்றுச்சூழல் படகு அதிரடி நீக்கம்
அமெரிக்காவின் 250வது சுதந்திர தினக் கொண்டாட்டங்களின் ஒரு பகுதியாக நியூயோர்க் துறைமுகத்தில் நடைபெற்ற 'Sail4th 250' என்ற பிரமாண்ட பாய்மரக் கப்பல் அணிவகுப்பில் இருந்து, சுற்றுச்சூழல் அமைப்பிற்குச் சொந்தமான படகு ஒன்று அமெரிக்க கடலோரக் காவல்படையினரால் உடனடியாக நீக்கப்பட்டுள்ளது.
'Hudson River Sloop Clearwater' என்ற சுற்றுச்சூழல் மற்றும் பழங்குடியின உரிமை அமைப்புக்குச் சொந்தமான படகில், "தூய நீர்ச் சட்டத்தைப் பாதுகாப்போம்", "பழங்குடியின உரிமை, இன நீதி மற்றும் காலநிலை தீர்வுகள்" போன்ற வாசகங்கள் அடங்கிய பதாகைகள் காட்சிப்படுத்தப்பட்டிருந்தன.
பதாகைகளை அகற்ற கோரிக்கை
இந்த அணிவகுப்பில் கலந்துகொள்ளும் அனைத்து தரப்பினரும் எவ்விதமான அரசியல் அல்லது தத்தமது கொள்கை சார்ந்த பிரசார வாசகங்களையும் பயன்படுத்தக் கூடாது என்ற விதிமுறையை முன்கூட்டியே ஏற்றிருந்ததாகக் கடலோரக் காவல்படை தெரிவித்துள்ளது.
பதாகைகளை அகற்றுமாறு விடுக்கப்பட்ட கோரிக்கையை அந்த படகின் உரிமையாளர்கள் நிராகரித்ததால் அவர்கள் அணிவகுப்பிலிருந்து வெளியேற்றப்பட்டுள்ளனர்.
சுற்றுச்சூழல் அமைப்பின் ஊடகப் பணிப்பாளர் ஜென் பென்சன் இந்த குற்றச்சாட்டை மறுத்துள்ளார்.
மனிதகுலத்திற்கான உரிமை
"அதிகாரிகள் எங்களை பதாகைகளை அகற்றக் கோரவில்லை, மாறாக வெளியேறாவிட்டால் கைது செய்வோம் என்றே மிரட்டியுள்ளனர்.
அத்துடன், சுத்தமான தண்ணீருக்காகப் போராடுவது என்பது எந்தவொரு அரசியல் கட்சிக்கும் சார்பான விடயமல்ல, அது ஒட்டுமொத்த மனிதகுலத்திற்கான உரிமை" என அவர் தங்களது தரப்பு நியாயத்தை ஊடகங்களிடம் விளக்கியுள்ளார்.
உலகெங்கிலும் உள்ள 20 நாடுகளைச் சேர்ந்த 40க்கும் மேற்பட்ட பிரமாண்ட பாய்மரக் கப்பல்கள் இந்த அணிவகுப்பில் கலந்துகொண்டமை குறிப்பிடத்தக்கது.
ஐரோப்பாவை வாட்டும் வெப்பம்... குரோஷியாவின் கடலடி அருங்காட்சியகத்தில் குவியும் சுற்றுலாப் பயணிகள்! Manithan
சவப்பெட்டியில் டிரம்ப் குடும்பம்: “ரத்தத்திற்கு ரத்தம்” ஈரானின் விளம்பர பலகையால் வெடித்த சர்ச்சை News Lankasri
புங்குடுதீவு 8ம் வட்டாரம், புங்குடுதீவு 12ம் வட்டாரம், சுன்னாகம், பரிஸ், France
18 Jul, 2026
சாரையடி, வத்தளை, Riyadh, Saudi Arabia, North York, Canada
14 Jul, 2026
கோண்டாவில், புன்னாலைக்கட்டுவன், சவுதி அரேபியா, Saudi Arabia, ஜேர்மனி, Germany, Brampton, Canada
20 Jul, 2025
