லங்காசிறி FM
எல் நினோ பாதிப்பு : 202 மில்லியன் டொலர் நிதியுதவி கோரும் ஐநா அமைப்புகள்
தீவிரமடைந்து வரும் 'எல் நினோ' காலநிலை மாற்றத்தின் தாக்கத்திலிருந்து உலகெங்கிலும் உள்ள 22 அதிக ஆபத்துள்ள நாடுகளைச் சேர்ந்த சுமார் 88 இலட்சம் மக்களைப் பாதுகாப்பதற்காக, 202 மில்லியன் டொலர் அவசர நிதியுதவி வழங்குமாறு ஐக்கிய நாடுகள் சபையின் உணவு மற்றும் விவசாய அமைப்பு மற்றும் உலக உணவுத் திட்டம் ஆகிய அமைப்புகள் சர்வதேச சமூகத்திற்கு கூட்டாக வேண்டுகோள் விடுத்துள்ளன.
பசிபிக் பெருங்கடலின் கிழக்கு பகுதியில் கடல் மேற்பரப்பு வெப்பநிலை அவ்வப்போது அசாதாரணமாக வெப்பமடைவதையே 'எல் நினோ' என்று அழைக்கிறோம்.
இது பொதுவாக 2 முதல் 7 ஆண்டுகளுக்கு ஒருமுறை இயற்கையாக நிகழ்வதாகும்.
இயற்கை பேரிடர்கள் ஏற்பட வாய்ப்பு
அமெரிக்காவின் தேசிய பெருங்கடல் மற்றும் வளிமண்டல நிர்வாகம் கடந்த வாரம் எல் நினோவின் வருகையை அதிகார பூர்வமாக உறுதிப்படுத்தியிருந்ததுடன், அது வரும் 2027ஆம் ஆண்டை நோக்கி நகரும்போது 63வீத மிக வலுவான அல்லது 'சூப்பர் எல் நினோ'வாக மாறக்கூடும் என்றும் எச்சரித்துள்ளது.
இந்த தீவிர எல் நினோ காலநிலை காரணமாக 2026 ஆம் ஆண்டின் பிற்பகுதியில் ஆபிரிக்கா, ஆசியா, பசிபிக், இலத்தீன் அமெரிக்கா மற்றும் கரீபியன் பிராந்தியங்களின் சில பகுதிகளில் கடுமையான வறட்சி, பெரும் வெள்ளப்பெருக்கு மற்றும் புயல் போன்ற இயற்கை பேரிடர்கள் ஏற்பட வாய்ப்புள்ளதாக ஐநா அமைப்புகள் கணித்துள்ளன.
ஆதரவை விரிவுபடுத்த ஐநா திட்டம்
இதில் ஆபிரிக்காவின் எத்தியோப்பியா, கென்யா, நைஜீரியா, சூடான், ஜிம்பாப்வே; ஆசிய - பசிபிக் பிராந்தியத்தின் ஆப்கானிஸ்தான், பாகிஸ்தான், பிலிப்பைன்ஸ் மற்றும் இலத்தீன் அமெரிக்காவின் கொலம்பியா, ஹைட்டி உள்ளிட்ட 22 நாடுகள் மிக மோசமான பாதிப்புக்குள்ளாகும் அபாயத்தில் உள்ளன.
தங்களுக்குக் கிடைக்கும் கூடுதல் நிதியுதவியைக் கொண்டு, ஏற்கனவே திட்டமிடப்பட்டுள்ள 12 இலட்சம் மக்களுக்கும் மேலாக தங்களின் ஆதரவை விரிவுபடுத்த ஐநா திட்டமிட்டுள்ளது.
இந்த அவசர நிதியின் மூலம் வறட்சியைத் தாங்கி வளரக்கூடிய காலநிலை - நெகிழ்வுத்தன்மை கொண்ட விதைகள் வழங்குதல், பணப் பரிமாற்றம், கால்நடைகளைப் பாதுகாத்தல் மற்றும் வெள்ளக் கட்டுப்பாட்டு நடவடிக்கைகள் போன்ற முக்கியமான முன்னெச்சரிக்கை உதவிகள் பாதிக்கப்பட்ட மக்களுக்கு நேரடியாக வழங்கப்படவுள்ளன.
பிரித்தானிய அரசியலையே மாற்றும் என எதிர்பார்க்கப்படும் தேர்தல்: வாக்களிப்பு துவங்கியது... News Lankasri
ரொனால்டோவுக்கு அதிர்ச்சி கொடுத்த டிஆர் காங்கோ: ஃபிபா உலகக்கிண்ணத்தில் ரசிகர்கள் ஏமாற்றம் News Lankasri
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
அரியாலை, கொழும்பு, Georgetown, Guyana, Edgware, United Kingdom
17 Jun, 2025
புங்குடுதீவு 10ம் வட்டாரம், புங்குடுதீவு, கொழும்பு, Brampton, Canada
13 Jun, 2026
