உடனடி மருத்துவ உதவியை நாடுவதில் தாமதம்! - இலங்கையில் அதிகரிக்கும் கோவிட் மரணங்கள்

உடனடி மருத்துவ உதவியை நாடுவதில் தாமதம் ஏற்பட்டதால் கணிசமான எண்ணிக்கையிலான கோவிட் மரணங்கள் பதிவாகியுள்ளதாக தெரிவிக்கப்பட்டுள்ளது.

சுகாதார மேம்பாட்டு பணியகத்தின் இயக்குநர் வைத்தியர் ரஞ்சித் படுவந்துடவ தெரிவித்துள்ளார். ஊடகங்களிடம் இன்று கருத்து வெளியிட்ட அவர் இதனை தெரிவித்துள்ளார். தொடர்ந்தும் பேசிய அவர்,

“அண்மையில் பதிவான உயிரிழப்புகளை ஆய்வு செய்த பின்னர் இதனை கவனிக்க முடிந்தது. சுமார் 80 வீதமான கோவிட் நோயாளிகளுக்கு கடுமையான உடல்நலக் குறைவை ஏற்படவில்லை.

எனினும், ஒரு சில நோயாளிகளுக்கு மட்டுமே கடுமையான சிக்கல்களுடன் முடிவடையும்" என்று அவர் கூறினார். கடுமையான சிக்கல்களுக்கு உள்ளானவர்களை அடையாளம் காண்பது மிகவும் முக்கியம்.

இல்லையெனில் அத்தகைய நோயாளிகளை இயல்பு நிலைக்கு கொண்டுவருவதற்கான வாய்ப்புகள் குறைவாக இருக்கும் ”என்று அவர் சுட்டிக்காட்டியுள்ளார்.

எனவே, அறிகுறிகளை சிக்கல்களுக்கு இட்டுச்செல்லாமல் யாராவது நோய் தொற்று இருப்பதாக உணர்ந்தால் உடனடியாக மருத்துவ உதவியை நாடுமாறு அவர் மக்களை கேட்டுக்கொண்டுள்ளார்.

இதேவேளை, கோவிட் பாதிக்கப்பட்டவர்களின் அறிகுறிகளை ஆய்வு செய்யும் போது, ​​60 வயதுக்கு மேற்பட்டவர்களுக்கு பொதுவான அறிகுறிகள் எதுவும் இல்லை என்று கண்டறியப்பட்டுள்ளது, தேசமயம் உணவுக் கோளாறுகள் மற்றும் தலைவலி போன்ற அறிகுறிகள் மட்டுமே இருந்தன.

எனவே, யாராவது தனது உடலில் அசாதாரண அறிகுறிகளை உணர்ந்தால் உடனடியாக மருத்துவ உதவியை நாட வேண்டியதன் அவசியத்தை அவர் மீண்டும் வலியுறுத்தினார்.