சீனப் பல்கலைக்கழகத்தின் விசித்திரமான அறிவுறுத்தல்

சீனாவின் ஒரு முன்னணி பல்கலைக்கழகம் தனது மாணவர்களுக்கு வழங்கியுள்ள விசித்திரமான மற்றும் சுவாரஸ்யமான அறிவுறுத்தல் குறித்து ரொய்ட்டர்ஸ் (Reuters) செய்தி வெளியிட்டுள்ளது.

சீனாவில் நிலவும் மக்கள் தொகை வீழ்ச்சி மற்றும் குறைந்து வரும் பிறப்பு விகிதத்தைக் கருத்தில் கொண்டு, வசந்த கால விடுமுறையின் (Spring Break) போது மாணவர்கள் "காதலில் விழுந்து" தங்கள் வாழ்க்கைத் துணையைத் தேடிக்கொள்ளுமாறு அந்தப் பல்கலைக்கழகம் அதிகார பூர்வமாக ஊக்குவித்துள்ளது.

அடுத்த சில மணிநேரங்களில் - மிகப்பெரிய தாக்குதல்! குறிவைக்கப்பட்டுள்ள 5 முக்கிய எரிசக்தி நிலையங்கள் - IRGC அதிரடி உத்தரவு

மக்கள் தொகை வீழ்ச்சி

பொதுவாகப் படிப்பு மற்றும் கடுமையான ஒழுக்கத்திற்குப் பெயர் பெற்ற சீனக் கல்வி நிறுவனங்களில், இத்தகைய ஒரு அறிவிப்பு வெளியாகி இருப்பது சமூக வலைதளங்களில் பெரும் விவாதத்தை ஏற்படுத்தியுள்ளது.

இந்த விடுமுறை காலத்தைப் பயன்படுத்தி மாணவர்கள் இயற்கையை ரசிக்கவும், சமூக உறவுகளை மேம்படுத்தவும், காதலைக் கண்டடையவும் வேண்டும் என்று பல்கலைக்கழக நிர்வாகம் தெரிவித்துள்ளது. 

சீனாவில் இளைஞர்கள் தாமதமாகத் திருமணம் செய்துகொள்வது அல்லது திருமணமே செய்துகொள்ளாமல் இருப்பது ஒரு பெரும் சமூகப் பிரச்சினையாக உருவெடுத்துள்ளது. இதனைச் சமாளிக்க சீன அரசு பல்வேறு சலுகைகளை அறிவித்து வரும் நிலையில், கல்வி நிறுவனங்களும் மாணவர்களின் தனிப்பட்ட வாழ்க்கையில் ஆர்வம் காட்டத் தொடங்கியுள்ளன.

"வாழ்க்கையின் அழகை அனுபவிக்கவும், நேசிக்கவும் கற்றுக்கொள்ளுங்கள்" என்ற நோக்கத்தில் வழங்கப்பட்டுள்ள இந்த வசந்த கால விடுமுறை, மாணவர்களின் மன அழுத்தத்தைக் குறைப்பதோடு நாட்டின் எதிர்கால மக்கள் தொகைப் பெருக்கத்திற்கும் உதவும் எனப் பல்கலைக்கழகம் நம்புகிறது.

வளைகுடா கடல் போக்குவரத்தில் நெருக்கடி: ஐ.நா கடல்சார் அமைப்பு அவசரக் கூட்டம்!