லங்காசிறி FM
இலங்கையின் மொத்த வெளிநாட்டு கடனில் சீனா 52 வீதம் கொண்டுள்ளது
சர்வதேச நாணய நிதியத்தின் கடன் திட்டத்திற்காக இலங்கை மறுசீரமைக்க வேண்டிய கடன் தொகையில் 52 வீதம் சீனாவிடம் இருப்பதாக தெரியவந்துள்ளது.
இலங்கையின் கடன் வழங்குநர்களுக்கு அறிவிப்பதற்காக கடந்த வெள்ளிக்கிழமை (23ம் திகதி) இலங்கை மத்திய வங்கி மற்றும் நிதி அமைச்சு இணைந்து நடத்திய விழிப்புணர்வு நிகழ்ச்சிக்காக தொகுக்கப்பட்ட விசேட அறிக்கையின் ஊடாக இந்த தகவல் வெளியிடப்பட்டுள்ளது.
அதன்படி, சீனாவுக்கு மறுசீரமைக்கப்பட வேண்டிய கடன் தொகை 7324 மில்லியன் டொலர்கள் ஆகும்.
பொது நிறுவனங்களுக்கு மறைமுகக் கடன் 4.2 பில்லியன் டொலர்கள்
அறிக்கையின்படி, இலங்கை தற்போது மறுசீரமைப்பு செய்ய முன்வந்துள்ள இருதரப்பு வகையின் (சீனா மற்றும் இந்தியா உட்பட) கடன் வழங்குநர்கள் வைத்திருக்கும் கடன் தொகை 13.8 பில்லியன் டொலர்கள்.
அதில், மத்திய அரசின் நேரடி வெளிப்பாடு (நேரடி கடன்) 9.9 பில்லியன் டொலர்கள் ஆகும். பொது நிறுவனங்களுக்கு மறைமுகக் கடன் 4.2 பில்லியன் டொலர்கள் ஆகும். இந்த மொத்தக் கடனில் சீனா 52 வீதமும் ஜப்பான் 19.5 வீதமும் வைத்திருப்பதாக தெரிவிக்கப்பட்டுள்ளது.
மூன்றாவது இடத்தில் உள்ள இந்தியா, 12 வீகக் கடன்களை மறுசீரமைக்க வேண்டும்.
இது தவிர, இந்த நாட்டின் மற்ற முக்கிய இருதரப்பு கடன் வழங்கும் நாடுகளில் முறையே, பிரான்ஸ், தென் கொரியா, அவுஸ்திரியா, ஜேர்மனி, பிரித்தானியா, சவுதி அரேபியா மற்றும் அமெரிக்கா இருப்பதாகவும் தெரிவிக்கப்பட்டுள்ளது.
இலங்கையின் கடன் வழங்குநர்கள் கவலை
இதேவேளை, சர்வதேச நாணய நிதியத்தின் (IMF) இலக்குகளை அடைய இலங்கையின் திறன் குறித்து இலங்கையின் கடன் வழங்குநர்கள் கவலை வெளியிட்டுள்ளனர்.
குறிப்பாக, கடந்த வெள்ளிக்கிழமை (23ஆம் திகதி) இடம்பெற்ற விசேட சந்திப்பில், இலங்கை அடையப்போவதாக அறிவித்துள்ள பெரும் பொருளாதார இலக்குகளை அடைவதற்கான திறன் குறித்து இலங்கையின் கடன் வழங்குநர்கள் சிலர் கவலை தெரிவித்துள்ளதாக தகவல்கள் தெரிவிக்கின்றன.
சர்வதேச நாணய நிதியத்தின் கடன் திட்டத்திற்கான (தயாரிக்கப்பட்ட சாலை வரைபடத்தை வெளியிட) இலங்கையின் தயாரிப்புகள் குறித்து நாட்டின் கடன் வழங்குநர்களுக்கு தெரிவிக்க இலங்கை அரசாங்கம் இந்த கலந்துரையாடலை ஏற்பாடு செய்திருந்தது.
Ipoh, Malaysia, கொக்குவில், கோயம்புத்தூர், India, New Jersey, United States
09 Sep, 2025
உசன், Jaffna, Ibadan, Nigeria, Riyadh, Saudi Arabia, London, United Kingdom
05 Sep, 2026
காரைநகர், யாழ். கரவெட்டி, நெல்லியடி, உடையார்கட்டு, Toronto, Canada
03 Sep, 2023