நாட்டின் சுதந்திர தினத்தை கொண்டாடுவதற்கு நாம் தயாரில்லை: வலிந்து காணாமல் ஆக்கப்பட்டோரின் உறவுகள்

Vavuniya Sri Lankan protests Independence Day University of Jaffna Sri Lankan political crisis

By Thileepan Feb 02, 2023 06:35 PM GMT

Thileepan

in அரசியல்

Report

தமிழர்களின் உரிமைகள் மறுக்கப்பட்டுள்ள நிலையில் நாட்டின் சுதந்திர தினத்தை கொண்டாடுவதற்கு நாம் தயாரில்லை என வவுனியா மாவட்ட வலிந்து காணாமல் ஆக்கப்பட்ட உறவுகளின் சங்க செயலாளர் சி.ஜெனிற்றா தெரிவித்துள்ளார்.

வவுனியா ஊடக அமையத்தில் இன்று (02.022023) இடம்பெற்ற ஊடகவியலாளர் சந்திப்பில் கலந்து கொண்டு கருத்து தெரிவிக்கும் போதே அவர் இவ்வாறு தெரிவித்துள்ளார்.

தொடர்ந்து கருத்து தெரிவித்த அவர்,

தமிழ் மக்களின் பிரச்சினைகள் தீர்த்து வைக்கப்படாத நிலையில் 37 கோடி ரூபாய்களை செலவளித்து சுதந்திரதினம் கொண்டாடப்படுகின்றது.

நாட்டின் சுதந்திர தினத்தை கொண்டாடுவதற்கு நாம் தயாரில்லை: வலிந்து காணாமல் ஆக்கப்பட்டோரின் உறவுகள் | Black Day Of Srilankan History Independence Day

அனைத்து தரப்புகளும் ஒன்று திரள வேண்டும்

எமக்கான சுதந்திரம் 75 வருடங்களாக கிடைக்கவில்லை. எமக்கான உரிமைகள் கிடைக்காத நிலையில் இந்த சுதந்திரதினத்தை கொண்டாடுவதற்கு நாம் தயாரில்லை.

எனவே, நான்காம் திகதி வடக்கில் இருந்து கிழக்கு நோக்கிய மாபெரும் பேரணி ஒன்றை முன்னெடுப்பதற்கு தீர்மானிக்கப்பட்டுள்ளது.

குறித்த பேரணிக்கு வலுச்சேர்க்கும் விதமாக அனைத்து தரப்புகளும் ஒன்று திரள வேண்டும் என்று நாம் அறைகூவல் விடுக்கின்றோம்.

அரசியல் வேறுபாடுகளின்றி இணையுங்கள்

குறித்த போராட்டத்திற்கு ஆதரவு நல்கும் விதமாக வவுனியா மாவட்ட வலிந்துகாணாமல் ஆக்கப்பட்டவர்களின் உறவுகளால் எதிர்வரும் 5 ஆம் திகதி காலை 7 மணியளவில் வவுனியா தமிழ் மத்திய மகாவித்தியாலத்திற்கு முன்பாக ஆர்ப்பாட்ட பேரணி ஒன்றை முன்னெடுப்பதற்கு தீர்மானித்துள்ளோம்.

எனவே, குறித்த பேரணியில் அரசியல் வேறுபாடுகளை கடந்து அனைத்து தமிழ் தேசிய கட்சிகளும் ஒன்றிணைவதுடன், பொது அமைப்புக்கள், நலன்விரும்பிகள், பொதுமக்கள் என அனைவரும் கலந்து கொள்ளுமாறு கேட்டுக்கொள்கின்றோம் எனத் தெரிவித்துள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்

முக்கிய செய்திகள் பிரபலமானவை