விடுதலைப் புலிகள் தொடர்பாக கூட்டமைப்பு மீது முன்வைக்கப்பட்டுள்ள குற்றச்சாட்டு

பயங்கரவாத அமைப்பாக விடுதலைப் புலிகள் முத்திரை குத்தப்பட்டு, போராட்டம் முள்ளிவாய்க்காலில் மௌனிக்கப்பட காரணம் சம்பந்தர் தலைமையிலான தமிழ் தேசிய கூட்டமைப்பே என்று தமிழ் மக்கள் விடுதலை புலிகள் கட்சியின் பொது செயலாளரும், கிழக்கு மாகாண சபை முன்னாள் உறுப்பினருமான பூபாலப்பிள்ளை பிரசாந்தன் தெரிவித்துள்ளார்.

அம்பாறை, காரைதீவில் கட்சி ஆதரவாளர்களை சந்தித்து பேசியபோதே அவர் இவ்வாறு குறிப்பிட்டுள்ளார்.

இது தொடர்பாக அவர் மேலும் தெரிவிக்கையில்,

விடுதலைப் புலிகள் இயக்கம் இராணுவ ரீதியாக வெற்றிகளை பெற்றிருந்த நிலையில், அவர்களை அரசியல்மயப்படுத்துகின்ற பொறுப்பு சம்பந்தன் தலைமையிலான தமிழ்த் தேசிய கூட்டமைப்பிடம் ஒப்படைக்கப்பட்டது.

ஜனாதிபதி தேர்தல் தொடர்பில் அஞ்சல் திணைக்களம் வெளியிட்டுள்ள தகவல்

பொதுத் தேர்தல்

அவர்கள் அந்த பொறுப்பை சரியாக செய்தார்களா? விடுதலைப் புலிகள் இயக்கம் பயங்கரவாத அமைப்பாக முத்திரை குத்தப்பட்டு முள்ளிவாய்க்காலில் மௌனிக்கப்பட காரணம் சம்பந்தன் தலைமையிலான தமிழ்த் தேசிய கூட்டமைப்பே ஆகும்.

காலம் காலமாக தமிழ் மக்கள் தேர்தல்களில் தவறாமல் வாக்களித்து வருகின்றனர். ஆனால் தமிழ் மக்களின் வாக்குகளை பெற்று வந்திருக்கின்ற தலைவர்கள் ஒழுங்காக பொறுப்புகளை செய்யவில்லை.

இதற்கு மிக நல்ல உதாரணம் அம்பாறை மாவட்டம் ஆகும். அதே நேரத்தில், தமிழ் மக்களின் பிரதிநிதித்துவம் அம்பாறை, திருகோணமலை ஆகிய மாவட்டங்களில் இழக்கப்படக் கூடாது என்பதால் கடந்த பொதுத் தேர்தலில் தமிழ் மக்கள் விடுதலை புலிகள் கட்சி இங்கு போட்டியிடவில்லை.

வேட்பாளர்கள் 

அதனால்தான் மிக மிக சொற்ப வாக்குகள் வித்தியாசத்தில் தேசிய பட்டியல் ஆசனத்தை தவற விட்டோம். அடுத்த பொதுத் தேர்தலில் அம்பாறை மாவட்டத்தில் தமிழ் மக்கள் விடுதலைப் புலிகள் கட்சி நிச்சயம் போட்டியிடும்.

அம்பாறை மாவட்டத்தில் இருந்து வேட்பாளர்கள் நிறுத்தப்படுவார்கள் என்பதுடன் வெளியில் இருந்து இறக்குமதி செய்யப்பட மாட்டார்கள்.

மாவை சேனாதிராஜா இங்கு வந்து போட்டியிட்டு விட்டு சென்றார். அம்பாறை மாவட்டத்துக்கு வந்து வாக்குகளை பெற்று விட்டு சென்றவர்களை தேடிதான் கண்டுபிடிக்க வேண்டியுள்ளது.

அடுத்த தேர்தலில் மட்டக்களப்பு மாவட்டத்தில் குறைந்தது இரு ஆசனங்கள் எமக்கு கிடைக்கும். அம்பாறை மாவட்டத்தில் இருந்து இன்னொரு ஆசனம் தமிழ் மக்கள் விடுதலை கட்சிக்கு கிடைக்கின்றபோது அது அம்பாறை மாவட்ட தமிழ் மக்களுக்கான விடிவெள்ளியாக அமையும்” எனக் கூறியுள்ளார்.

தேர்தல் அறிவிப்பு அபிவிருத்திசார் கூட்டங்களை நடத்துவதற்கு இடையூறாக அமையாது: டக்ளஸ்

சுதந்திரக்கட்சியின் கூட்டத்திற்கு முச்சக்கரவண்டியில் வந்த முன்னாள் ஜனாதிபதி