தடுப்புக்காவலை 48 மணிநேரமாக குறைத்த அநுர! நாட்டின் நலனுக்காக கைக்கோர்க்கும் மகாசங்கத்தினர்

எங்களுக்குச் சட்டம் போதாது என்றால் புதிய சட்டங்களை உருவாக்குவோம். ஒழுங்கமைக்கப்பட்ட குற்றங்களைத் தடுப்பதற்காகச் சமர்ப்பிக்கப்பட்டுள்ள சட்டமூலம் தொடர்பில் உயர்நீதிமன்றத்தில் ஆராயப்பட்டு வருகின்றது.

சில தரப்பினரின் கோரிக்கைக்கு இணங்க, சந்தேகநபர் ஒருவரைத் தடுத்துவைக்கும் காலத்தை 72 மணித்தியாலங்களிலிருந்து 48 மணித்தியாலங்களாகக் குறைக்கவும், தேவையற்ற சில விடயங்களை திரும்ப பெறவும் நாம் தயாராகவுள்ளோம் என ஜனாதிபதி அநுரகுமார திஸாநாயக்க தெரிவித்துள்ளார்.

அலரிமாளிகையில் நேற்று(05.11.2026) நடைபெற்ற “விலகிச்செல்” செயற்பாட்டின் ஓராண்டு மதிப்பீட்டைக் குறிக்கும் சர்வ மத மாநாட்டில் உரையாற்றும் போதே ஜனாதிபதி மேற்கண்டவாறு குறிப்பிட்டுள்ளார்.

நாட்டின் நலனுக்காக கூடிய மகாசங்கத்தினர்

அவர் மேலும் தெரிவிக்கையில்,

பெரும் பேரழிவை முறியடிக்கும் நோக்கத்துடனே எமது தேரர்கள் உட்பட அனைத்து மதத் தலைவர்களும் இன்று இங்கு ஒன்றுகூடியிருக்கின்றார்கள். எமது அழைப்பை ஏற்று இந்த நிகழ்வுக்கு வருகை தந்துள்ளமைக்கு எனது கௌரவமான நன்றிகளைத் தெரிவித்துக்கொள்கின்றேன்.

இங்கு வருகை தந்துள்ள ஆயிரக்கணக்கான மகா சங்கத்தினரையும் மதத் தலைவர்களையும் பார்க்கும்போது, எமக்கு முன்பாக உள்ள சவால் மிகப் பாரியதாக இருப்பினும், அதனை வெற்றிகொள்ள முடியும் என்ற அசைக்க முடியாத நம்பிக்கை ஏற்படுகின்றது. சுமார் ஒரு வருடத்துக்கு முன்பு நாம் இந்தப் பேரழிவை முறியடிப்பதற்காக ஒரு கூட்டு நடவடிக்கையைத் தொடங்கினோம். புள்ளிவிவரங்களைப் பார்க்கும்போது போதைப்பொருள் பயன்பாடு மீண்டும் அதிகரித்துள்ளதை அவதானிக்க முடிகின்றது.

எனவே, இந்தப் பேரழிவை முழுமையாக முறியடிக்க வேண்டுமானால் ஒரு கூட்டுத் திட்டம் அவசியமாகும். இந்த ஆண்டில் நாங்கள் கைப்பற்றிய மொத்த போதைப்பொருட்களின் அளவு 4 இலட்சத்து 38 ஆயிரத்து 330 கிலோ கிராம்களாகும்.

குறிப்பாக, ஐஸ் போதைப்பொருள் குற்றச்சாட்டுக்காக 2022ஆம் ஆண்டில் 18 வயதுக்குட்பட்ட ஒரேயொரு இளைஞர் மட்டுமே கைது செய்யப்பட்டிருந்தார்.

போதைப்பொருள் பாவணை குறைவு

ஆனால், 2025ஆம் ஆண்டாகும்போது 1,874 பேரைக் கைது செய்துள்ளோம். இவர்களில் 14 முதல் 18 வயதுக்குட்பட்ட 1,068 பிள்ளைகளும், 5 முதல் 14 வயதுக்குட்பட்ட 13 பிள்ளைகளும், இருநூறுக்கும் மேற்பட்ட பெண் பிள்ளைகளும் அடங்குவது எமது இளைய தலைமுறையினர் எங்கு சென்று கொண்டிருக்கிறார்கள் என்ற பேராபத்தை உணர்த்துகின்றது.

நாங்கள் கைப்பற்றியுள்ள போதைப்பொருட்களின் மொத்த பெறுமதி 218 பில்லியன் ரூபாவாகும். கஞ்சாவையும் சேர்த்தால் அது 224 பில்லியன் ரூபாவாகின்றது. இந்த 22 ஆயிரம் கோடி ரூபா போதைப்பொருள் வர்த்தகம் மூலம் ஒரு பலத்த 'நிழல் அரச பொறிமுறை' உருவாக்கப்பட்டுள்ளது.

இந்த வலையமைப்பை உடைக்காமல் போதைப்பொருள் பேராபத்தை நமது நாட்டிலிருந்து ஒழிக்க முடியாது. இன்று நாட்டில் இரண்டு குழுக்கள் மட்டுமே உள்ளன. போதைப்பொருள் மற்றும் ஆயுதம் ஏந்திய குற்றக் கும்பல்களுடன் பிணைந்திருக்கும் குற்றவாளிகளுக்கு ஆதரவளிக்கும் குழு ஒன்று உள்ளது.

மற்றையது அவற்றுக்கு எதிராக நிற்பவர்களின் குழுவாகும். நாட்டில் பிரிவினை என்றால் இதனையே கூறமுடியும்.

தடுப்புக்காவலை 48 மணிநேரமாக குறைத்த ஜனாதிபதி

எங்களுக்குச் சட்டம் போதாது என்றால் புதிய சட்டங்களை உருவாக்குவோம். ஒழுங்கமைக்கப்பட்ட குற்றங்களைத் தடுப்பதற்காகச் சமர்ப்பிக்கப்பட்டுள்ள சட்டமூலம் தொடர்பில் உயர்நீதிமன்றத்தில் ஆராயப்பட்டு வருகின்றது.

சில தரப்பினரின் கோரிக்கைக்கு இணங்க, சந்தேகநபர் ஒருவரைத் தடுத்துவைக்கும் காலத்தை 72 மணித்தியாலங்களிலிருந்து 48 மணித்தியாலங்களாகக் குறைக்கவும், தேவையற்ற சில விடயங்களை வாபஸ் பெறவும் நாம் தயாராகவுள்ளோம்.

இந்தப் போதைப்பொருள் எனும் பேரழிவைத் தோற்கடிப்பதில் அரசாங்கத்தின் பொறிமுறைகள் மாத்திரமன்றி, மக்களின் பங்களிப்பும் குறிப்பாக கிராமங்கள் தோறும் மக்களுடன் நெருங்கிப் பழகும் நமது மதத் தலைவர்களின் வழிகாட்டலும் மிக அவசியமானது.

கிராமங்களில் பிள்ளைகளின் விசித்திரமான மாற்றங்களை முதன்முதலில் அறிந்துகொள்பவர்கள் பெற்றோர்களும், அதன்பின் மதகுருமார்களுமே ஆவர். எனவே, அரசியல் பிரிவினைகளைத் தாண்டி, இந்தத் தேசிய இயக்கத்தில் அனைத்து மதத் தலைவர்களும் தீவிர பங்காளிகளாக இணைந்து செயற்படுமாறு அன்புடன் கேட்டுக்கொள்கின்றேன் என்றார்.

இந்த நிகழ்வில் சியம் மஹா நிக்காயவின் மல்வத்து மற்றும் அஸ்கிரி பீடங்களின் அநுநாயக்க தேரர்கள், அமரபுர மற்றும் ராமஞ்ஞ மஹா நிக்காயவின் அநுநாயக்க தேரர்கள், கத்தோலிக்க பேராயர் ஆண்டகை, இந்து மற்றும் இஸ்லாமிய மதகுருமார்கள், அமைச்சர்கள், முப்படைத் தளபதிகள், பொலிஸ் மாஅதிபர் மற்றும் பொதுமக்கள் கலந்துகொண்டுள்ளனர்.

சீரற்ற காலநிலை தீவிரம்: யாழ். கர்ப்பிணிப் பெண்களுக்கு விடுக்கப்பட்டுள்ள அவசர எச்சரிக்கை

ட்ரம்பின் தேர்தல் பின்னடைவு உலகத்துக்கே பெரும் நிம்மதி! இலங்கை நாடாளுமன்றத்தில் அறிவிப்பு