லங்காசிறி FM
கிழக்கு பல்கலைக்கழகத்தின் 26ஆவது பொதுப்பட்டமளிப்பு விழா தொடர்பில் வெளியான அறிவிப்பு
கிழக்கு பல்கலைக்கழகத்தின் 26வது பொது பட்டமளிப்பு விழா எதிர்வரும் அக்டோபர் மாதம் 07ஆம் 08ஆம் திகதிகளில் நடைபெறவுள்ளதாக கிழக்கு பல்கலைக்கழகத்தின் உபவேந்தர் வ.கனகசிங்கம் தெரிவித்துள்ளார்.
குறித்த விடயத்தை அவர் இன்று(27.09.2023) பல்கலைக்கழகத்தில் நடைபெற்ற விசேட ஊடகவியலாளர் சந்திப்பில் கூறியுள்ளார்.
இதன்போது மேலும் கருத்து தெரிவித்த அவர்,
ஆறு அமர்வுகள்
“கிழக்கு பல்கலைக்கழகத்தின் 26வது பொது பட்டமளிப்பு விழாவில் 1760 மாணவர்கள்
பட்டம்பெறவுள்ளனர்.
இந்நிகழ்வானது ஓய்வுபெற்ற பேராசிரியரும் வேந்தருமான மா.செல்வராசா அவர்கள் தலைமைதாங்குவதுடன் இந்த நிகழ்வானது இரண்டு நாட்களில் ஆறு அமர்வுகளாக நடைபெறவுள்ளது.
முதல்நாள் நிகழ்வில் மனித அபிவிருத்திக்கான தலைவர் பேராசிரியர் மனிச அத்துபான அவர்களும் இரண்டாம் நாளில் முதல் அமர்வில் பொதுநலவாய கல்விக்கான நிலையத்தின் நிறைவேற்று பணிப்பாளர் பேராசிரியர் ஆர்ஸா கன்வர் ஆகியோரும் உரையாற்றவுள்ளனர்.
குறித்த பட்டமளிப்பு விழாவில் கலாநிதி பட்டத்தினை ஒருவரும், ஐந்து பேர் விஞ்ஞான கல்வி முதுமாணி பட்டத்தினையும்,14 பேர் விவசாய விஞ்ஞானத்தில் முதுமானி பட்டத்தினையும், 12 பேர் கலைமுதுமானி பட்டத்தினையும், 8 பேர் வியாபார வர்த்தக முதுமானி பட்டம் என முதல் நாள் அமர்வில் கிழக்கு பல்கலைக்கழகத்தில் பட்ட பின்படிப்பினை பூர்த்திசெய்த 268மாணவர்களுக்கு பட்டமளிப்பு செய்யப்படவுள்ளது.
42 ஆவது ஆண்டு விழா
இரண்டாம் நாள் நிகழ்வில் வர்த்தக முகாமைத்துவ பீட மாணவர்களும் திருகோணமலை வளாகத்திலிருக்கின்ற முகாமைத்துவ தொடர்பாடல் பீட மாணவர்களும், இரண்டாம் நாளில் மூன்றாம் அமர்வில் பட்டம் பெறவுள்ளனர்.
பல்கலைக்கழகத்தின் இந்த 42 ஆவது ஆண்டு விழாவில் அதிகூடிய காலம் சேவையாற்றிய உத்தியோகத்தர்கள் கௌரவப்படுத்துகின்ற அதேநேரம் பல்கலைக்கழகத்தில் ஆய்வுக்கட்டுரைகளை சமர்ப்பித்து சர்வதேச மட்டத்தில் விருதுகளைப்பெற்ற ஆய்வாளர்களும் இதன்போது கௌரவிக்கப்படுகின்றனர்.
கிழக்கு பல்கலைக்கழகம் 1981ஆம் ஆண்டு ஒக்டோபர் 01ஆம் திகதி ஒரு பல்கலைக்கழக கல்லூரியாக ஆரம்பிக்கப்பட்டது.
அந்தவேளையில் கல்லூரியின் பணிப்பாளராகயிருந்தவரின் நாமத்தினைக்கொண்டே அந்த நாளை நாங்கள் முன்னிலைப்படுத்துகின்றோம்.அதன் பின்னர் கடமையாற்றிய உபவேந்தர்களின் புகைப்படங்களும் காட்சிப்படுத்தப்படவுள்ளன” என கூறியுள்ளார்.
Kedah, Malaysia, சண்டிலிப்பாய், Cheam, United Kingdom
04 Aug, 2024
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
