லங்காசிறி FM
அக்குரேகொட துப்பாக்கிச்சூடு! அதிரடியாக களமிறங்கிய அதிகாரிகள்: பொலிஸார் வெளியிட்ட காரணம்
தலங்கம - அக்குரேகொட பகுதியில் வெள்ளிக்கிழமை (13) மாலை இடம்பெற்ற துப்பாக்கிச்சூட்டு சம்பவம் தொடர்பில் பல்வேறு தகவல்கள் கிடைத்துள்ளதாக பொலிஸார் தெரிவித்துள்ளனர்.
அக்குரேகொட பகுதியில் உள்ள பல்பொருள் அங்காடிக்கு முன்னால் நிறுத்தி வைக்கப்பட்டிருந்த ஜீப் வண்டியில் இருந்த தம்பதியினரை இலக்கு வைத்து நேற்று மாலை 5.00 மணியளவில் இந்தத் துப்பாக்கிச் சூடு நடத்தப்பட்டுள்ளது.
இந்த துப்பாக்கிச் சூடு நடத்த வந்த காரில் நான்கு பேர் இருந்ததாகவும் தெரிவிக்கப்பட்டுள்ளது.
வீட்டில் அடக்கம் செய்ய ஏற்பாடு
இதன்போது 45 வயதான சட்டத்தரணி புத்திக மல்லவாரச்சி மற்றும் அவரது 42 வயதுடைய மனைவி ஆகியோர் உயிரிழந்துள்ளனர்.
இந்நிலையில், படுகொலை செய்யப்பட்ட வழக்கறிஞர் மற்றும் அவரது மனைவியின் உடல்கள் தற்போது பிடிகலவில் உள்ள அவர்களின் வீட்டில் அடக்கம் செய்ய தயாராகி வருவதாக தெரிவிக்கப்படுகின்றது.
இந்நிலையில், வழக்கறிஞர் ஒருவர் மற்றும் அவரது மனைவி சுட்டுக் கொல்லப்பட்ட சம்பவத்தில் தொடர்புடைய சந்தேகநபர்களைத் தேடி விசாரணைக் குழுக்கள் பல பகுதிகளுக்குச் சென்றுள்ளன.
கொலைக்கான காரணம்
கரந்தெனிய சுத்தா என்ற ஒரு ஒழுங்கமைக்கப்பட்ட குற்றவாளியால் திட்டமிடப்பட்டதாகவும்,லொகு பட்டி என்ற ஒழுங்கமைக்கப்பட்ட குற்றவாளிக்கு தனது வழக்கு குறித்த தகவல்களை வழங்கியதாக சந்தேகிக்கப்படுகிறது.
இருப்பினும், விசாரணைகளில் இருவருக்கும் இடையே பகைமை இருந்ததாக தெரியவந்துள்ளது.
2024 ஆம் ஆண்டு அதுருகிரிய பகுதியில் பச்சை குத்தும் கடையைத் திறந்து வைத்திருந்தபோது, கிளப் வசந்த எனப்படும் சுரேந்திர வசந்த பெரேரா உள்ளிட்ட இருவரை சுட்டுக்கொன்ற வழக்கின் முக்கிய சந்தேகநபரான லோகுபட்டிக்காக கடுவலை நீதவான் நீதிமன்றத்தில் முன்னிலையானதாக மேற்கு தெற்கு குற்றப்பிரிவு தெரிவித்துள்ளது.
அத்துடன், தனது கட்சிக்காரரின் தகவல்களை 'லொகு பட்டி' என்ற குற்றவாளி தலைமையிலான குழுவிற்கு வழங்கிய காரணத்தினால், கரன்தெனிய சுத்தாவினால் இந்தத் துப்பாக்கிச் சூடு வழிநடத்தப்பட்டிருக்கலாம் என பாதுகாப்புப் பிரிவினர் சந்தேகிக்கின்றனர்.
இந்த துப்பாக்கிச்சூட்டுச் சம்பவத்துக்கு ரி56 ரக துப்பாக்கி பயன்படுத்தப்பட்டிருக்கலாம் எனவும், கார் ஒன்றில் வந்த குழுவினர் டி-56 ரகத் துப்பாக்கியைப் பயன்படுத்தி சுமார் 10 தடவைகள் சுட்டுவிட்டுத் தப்பியோடியுள்ளதாக பொலிஸார் கூறியுள்ளனர்.
கருப்பு திரைப்படத்தின் 3 நாட்கள் வசூல் விவரம்.. அதிகாரப்பூர்வமாக அறிவித்த தயாரிப்பு நிறுவனம் Cineulagam
என் குரலைக் கேட்பது இதுவே கடைசியாக இருக்கும்... ஈரானில் அதிகரிக்கும் அரசியல் மரணதண்டனைகள் News Lankasri
துன்னாலை, ஆத்தியடி பருத்தித்துறை, திருகோணமலை, கோண்டாவில், வெள்ளவத்தை, New Jersey, United States, Toronto, Canada
14 May, 2023
புங்குடுதீவு 10ம் வட்டாரம், Chur, Switzerland, Flums, Switzerland
16 May, 2026
