சீன மற்றும் ரஷ்ய ஜனாதிபதிகளைச் சந்திக்கும் ட்ரம்ப்
அமெரிக்க ஜனாதிபதி டொனால்ட் ட்ரம்ப், வியாழக்கிழமை சீனாவின் ஷென்சென் நகரில் ரஷ்ய ஜனாதிபதி விளாடிமிர் புடின் மற்றும் சீனத் தலைவர் ஜி ஜின்பிங் ஆகியோரைச் சந்தித்து முக்கியப் பேச்சுவார்த்தைகளை நடத்தவுள்ளார்.
இந்த முத்தரப்புச் சந்திப்பில் உக்ரைன் போர் விவகாரம் குறித்து விரிவாகக் கலந்துரையாடப்படும் என ட்ரம்ப் இவ்வார ஆரம்பத்தில் தெரிவித்திருந்தார்.
ஏறத்தாழ ஐந்து ஆண்டுகளாக நீடிக்கும் போரை முடிவுக்குக் கொண்டுவர, மாஸ்கோ மீது தீர்க்கமான செல்வாக்கைக் கொண்டுள்ள அமெரிக்காவும் சீனாவும் ரஷ்யாவுக்கு அழுத்தம் கொடுக்க வேண்டும் என உக்ரைன் வெளிவிவகார அமைச்சர் ஆண்ட்ரி சிபிஹா கோரிக்கை விடுத்துள்ளார்.

அதேவேளை, தமது பங்களிப்பின்றி உக்ரைன் தொடர்பாக எவ்வித முடிவுகளும் எடுக்கப்படக் கூடாது என உக்ரைன் வலியுறுத்தியுள்ளது.
மறுபுறம், சீனாவில் ட்ரம்ப் - புடின் - ஜி ஜின்பிங் சந்திப்பு நடைபெறும் அதேவேளையில், அமெரிக்காவின் விசேட பிரதிநிதிகளான ஸ்டீவ் விட்காஃப் மற்றும் ட்ரம்பின் மருமகன் ஜாரெட் குஷ்னர் ஆகியோர் ஜேர்மனியின் பேர்லின் நகரில் நடைபெறும் உக்ரைன் தொடர்பான கூட்டத்தில் பங்கேற்கவுள்ளனர்.
ஜேர்மன் சான்சலர் பிரீட்ரிக் மெர்ஸ், பிரான்ஸ் ஜனாதிபதி இம்மானுவேல் மக்ரோன் மற்றும் பிரித்தானியப் பிரதமர் ஆண்டி பர்ன்ஹாம் ஆகியோரின் தலைமையில் நடைபெறும் 'விருப்பமுள்ளவர்களின் கூட்டணி' கூட்டத்தில் இவர்கள் கலந்துகொள்ளவுள்ளனர்.
சீனாவில் நடைபெறும் முத்தரப்புச் சந்திப்பின் முடிவுகளுக்கு ஏற்ப ஐரோப்பிய நாடுகள் உடனடியாக எதிர்வினையாற்றவும் அடுத்தகட்ட நடவடிக்கைகளை எடுக்கவும் ஏதுவாக இக்கூட்டம் ஒழுங்கமைக்கப்பட்டுள்ளதாக ஜேர்மன் அரசாங்க அதிகாரி ஒருவர் தெரிவித்துள்ளார்.
கடந்த வாரம் அபுதாபியில் அமெரிக்காவின் மத்தியஸ்தத்துடன் நடைபெற்ற அமைதிப் பேச்சுவார்த்தைகள் எவ்விதத் தெளிவான முன்னேற்றமுமின்றி நிறைவடைந்த நிலையில், விட்காஃப் மற்றும் குஷ்னர் ஆகியோர் உக்ரைன் ஜனாதிபதி ஜெலென்ஸ்கி மற்றும் புடின் ஆகியோரைச் சந்தித்திருந்தனர்.
அதன் தொடர்ச்சியாக, உலக அரசியலில் பெரும் எதிர்பார்ப்பை ஏற்படுத்தியுள்ள சீன உச்சிமாநாடும், பேர்லின் பேச்சுவார்த்தையும் வியாழக்கிழமை நடைபெறவுள்ளமை குறிப்பிடத்தக்கது.
பாக்ஸ் ஆபிஸ்: சூர்யாவின் சீன் படம் வெளிவந்த 12 நாளில் உலகம் முழுவதும் செய்துள்ளா வசூல்... Cineulagam
இரண்டாவது முறையாக கர்ப்பமாக இருக்கும் சீரியல் நடிகை மைனா நந்தினி... அவரே வெளியிட்ட கியூட் வீடியோ Cineulagam