லங்காசிறி FM
போதைப்பொருள் வைத்திருந்தவருக்கு 7 வருட கடூழிய சிறைத்தண்டனை
மட்டக்களப்பில் 1.147 கிராம் ஹெரோயின் போதைப் பொருள் தன்வசம் வைத்திருந்த மற்றும் விற்பனை செய்த வாழைச்சேனைச் சேர்ந்த 29 வயதுடைய முகமது றிஸ்வி என்பவருக்கு 7 வருட கடூழிய சிறைத் தண்டனையும் ஒரு இலட்சம் ரூபா அபராதமாக செலுத்துமாறும் உத்தரவிடப்பட்டுள்ளது.
அதைச்செலுத்த தவறினால் 2 வருட சிறைத் தண்டனையை வழங்கி மட்டக்களப்பு மேல் நீதிமன்ற நீதிபதி ரி.ஜே. பிரபாகரன் நேற்று(29.10.2026) தீர்ப்பளித்துள்ளார்.
நீதிமன்றில் வழக்கு தாக்கல்
கடந்த 2020ஆம் ஆண்டு 1.147 கிராம் ஹெரோயின் போதைப்பொருளுடன் குறித்த நபரை பொலிஸார் கைது செய்து வாழைச்சேனை நீதவான் நீதிமன்றில் வழக்கு தாக்கல் செய்யப்பட்டு விசாரணையின் பின்னர் மட்டு மேல் நீதிமன்றத்திற்கு 2022ஆம் ஆண்டு மாற்றப்பட்டு வழக்கு விசாரணை தொடர்ந்து இடம்பெற்று வந்தது.
இந்த நிலையில் வழக்கு தொடுநர் சார்பில்; அரச சட்டவாதிகளான எஸ். அனுஷாங்கன் மற்றும் ரி..தர்சிகா ஆகியோர் முன்னிலையாகி வாதங்களை முன்வைத்தனர்.
இதன்போது குறித்த நபர் குற்றவாளியாக நீதிமன்றில் கடந்த 14ஆம் திகதி இனங்காணப்பட்டு தண்டனை தீர்ப்பு 29ஆம் திகதி என அறிவிக்கப்பட்டது.
குறித்த நபரின் முதலாவது குற்றமான ஹெரோயின் போதைப்பொருள் தன் வசம் வைத்திருந்த குற்றத்திற்கு 7 வருட கடூழிய சிறைத் தண்டனையும் ஒரு இலட்சம் ரூபா அபராதமாக செலுத்துமாறும் இரண்டாவது குற்றமான ஹெரோயின் போதைப்பொருளை விற்பனை செய்த குற்றத்தில் இருந்து விடுவித்து, ஒரு இலட்சம் ரூபா அபராதத்தை செலுத்த தவறினால் 2 வருடம் சிறை தண்டனையை வழங்கி மட்டக்களப்பு மேல் நீதிமன்ற நீதிபதி ரி.ஜே. பிரபாகரன் நேற்று தீர்ப்பளித்து உத்தரவிட்டுள்ளார்.
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
