யாழில் விபத்துக்குள்ளான மூவருக்கு உயிர்காவு வண்டி வராததால் நேர்ந்த பரிதாபம்!

Sri Lankan Tamils Jaffna Sri Lankan Peoples Accident

By Theepan Nov 04, 2026 12:20 PM GMT

Theepan

in விபத்து

Report

யாழ்ப்பாணம் - ஊர்காவற்றுறை பிரதான வீதியின் அராலிச் சந்திக்கு அண்மையில் இடம்பெற்ற விபத்தில் மூன்று இளைஞர்கள் படுகாயமடைந்த நிலையில் யாழ்ப்பாணம் போதனா வைத்தியசாலையில் அனுமதிக்கப்பட்டுள்ளனர்.

குறித்த விபத்து இன்று(04.11.2026) காலை இடம்பெற்றுள்ளது.

ஊர்காவற்றுறை திசையிலிருந்து யாழ்ப்பாணம் நோக்கி அதிவேகமாகப் பயணித்த முச்சக்கரவண்டி, சாரதியின் கட்டுப்பாட்டை இழந்து வீதியோரத்திலிருந்த தொலைத்தொடர்பு கம்பத்துடன் மோதியதில் இந்த விபத்து நேர்ந்துள்ளது.

மூவர் படுகாயம்

தொலைத்தொடர்பு கம்பத்துடன் மோதியதில் முச்சக்கரவண்டியில் பயணித்த மூன்று இளைஞர்களும் தூக்கி வீசப்பட்டு படுகாயமடைந்த நிலையில் வீதியில் கிடந்துள்ளனர்.

யாழில் விபத்துக்குள்ளான மூவருக்கு உயிர்காவு வண்டி வராததால் நேர்ந்த பரிதாபம்! | 3 People Critically Injured An Accident Jaffna

இதன்போது அவ்வழியாகச் சென்ற பொதுமக்கள் விரைந்து செயற்பட்டு, தனியாருக்குச் சொந்தமான மற்றுமிரு முச்சக்கரவண்டியின் உதவியுடன் காயமடைந்தவர்களை யாழ்ப்பாணம் போதனா வைத்தியசாலைக்குக் கொண்டு சென்று அனுமதித்துள்ளனர்.

இதேவேளை, விபத்து இடம்பெற்றதைத் தொடர்ந்து அவசர அவசர நோயாளர் காவு வண்டி சேவைக்கு அழைப்பு விடுக்கப்பட்ட போதிலும், அவசர நோயாளர் காவு வண்டி இறுதிவரை சம்பவ இடத்திற்கு வருகை தரவில்லை எனத் தெரிவிக்கப்பட்டுள்ளது.

இந்த சம்பவம் தொடர்பில் பொதுமக்கள் மத்தியில் விசனம் தெரிவித்துள்ளனர். அத்துடன், விபத்து தொடர்பான மேலதிக விசாரணைகளை ஊர்காவற்றுறைப் பொலிஸார் முன்னெடுத்து வருகின்றனர்.