சீனாவில் உள்ள வணிக வளாகத்தில் பாரிய தீ விபத்து

China World

By K. S. Raj Jul 18, 2024 06:53 PM GMT

K. S. Raj

in சீனா

Report

தென்மேற்கு சீனாவின்(China) சிச்சுவான் மாகாணத்தில் உள்ள வணிக வளாகத்தில் ஏற்பட்ட பாரிய தீ விபத்தில் 16 பேர் உயிரிழந்துள்ளதாக சீன அரசு ஊடகம் செய்தி வெளியிட்டுள்ளது.

குறித்த சம்பவமானது நேற்று (17) சிச்சுவான் மாகாணத்தின் ஜிகோங் நகரில் உள்ள உயர் தொழில்நுட்ப மண்டலத்தில் அமைந்துள்ள 14 மாடி கட்டிடத்தில் ஏற்பட்டதாக தெரிவிக்கப்படுகிறது.

மீட்பு குழுவினர்

இதன்போது தகவல் அறிந்து சம்பவ இடத்திற்கு விரைந்த மீட்பு குழுவினர், கட்டிடத்திற்குள் சிக்கியிருந்த சுமார் 75 பேரை மீட்டுள்ளனர்.

சீனாவில் உள்ள வணிக வளாகத்தில் பாரிய தீ விபத்து | 16 Killed In Fire At Shopping Mall In China

மீதமுள்ளவர்கள் கட்டிடத்தில் இருந்து வெளியேற்றப்பட்டதாக தெரிவிக்கப்பட்டுள்ளது. முதற்கட்ட விசாரணைகளின் படி, கட்டுமான பணியின் காரணமாக தீ விபத்து ஏற்பட்டதாக அந்த அறிக்கையில் குறிப்பிடப்பட்டுள்ளது.

சீனாவின் அவசரகால மேலாண்மை மற்றும் தேசிய தீயணைப்பு மற்றும் மீட்பு நிர்வாக அமைச்சகம், சம்பவம் குறித்து விசாரணை நடத்த பணிக்குழுவை அனுப்பியுள்ளதாக தெரிவித்துள்ளது.

சீனாவில் உள்ள வணிக வளாகத்தில் பாரிய தீ விபத்து | 16 Killed In Fire At Shopping Mall In China

இந்நிலையில் விபத்து தொடர்பான விசாரணையில் பங்கேற்க நாடு முழுவதும் உள்ள தீயணைப்பு நிபுணர்கள் அனுப்பப்படுவார்கள் என்று அமைச்சகம் தெரிவித்துள்ளமை குறிப்பிடத்தக்கது.