இறுதி ஓவரில் அபாரம் காட்டி வெற்றியை பதிவு செய்தது சிம்பாப்வே

புதிய இணைப்பு

இலங்கை மற்றும் சிம்பாப்வே அணிகளுக்கு இடையிலான இரண்டாவது இருபதுக்கு இருபது கிரிக்கெட் போட்டியில் சிம்பாப்வே அணி 4 விக்கெட்டுக்கள் வித்தியாசத்தில் வெற்றியடைந்துள்ளது.

ஆட்டத்தின் முதலில் துடுப்பெடுத்தாடிய இலங்கை அணி நிர்ணயிக்கப்பட்ட 20 ஓவர் நிறைவில் 6 விக்கட் இழப்பிற்கு 173 ஓட்டங்களை பெற்றது.

இதனையடுத்து 174 ஓட்டங்கள் என்ற வெற்றி இலக்கோடு களமிறங்கிய சிம்பாப்வே அணி ஆரம்பத்தில் சிறப்பான ஆட்டத்தை வெளிப்படுத்தியிருந்ததோடு போட்டியின் நடுப்பகுதியில் சற்று பின்னடைவை எதிர்க்கொண்டது.

இருப்பினும் இறுதி ஓவரில் 21 ஓட்டங்கள் பெற இருந்த நிலையில் ஒரு பந்து மீதமிருக்க சிறப்பான மூன்று 6 ஓட்டங்களுடன் சிம்பாப்வே அணி வெற்றியை பதிவு செய்துள்ளது.

இரண்டாம் இணைப்பு 

சிம்பாப்வே அணிக்கெதிரான இரண்டாவது இருபதுக்கு இருபது போட்டியில் இலங்கை அணி வலுவான நிலையை அடைந்துள்ளது.

ஆட்டத்தின் முதலில் துடுப்பெடுத்தாடிய இலங்கை அணி நிர்ணயிக்கப்பட்ட 20 ஓவர் நிறைவில் 6 விக்கட் இழப்பிற்கு 173 ஓட்டங்களை பெற்றுள்ளது.

இலங்கை அணி சார்பில் அஞ்சலோ மெத்தியூஸ் 51 பந்துகளை எதிர்கொண்டு 66 ஓட்டங்களையும் சரித் அசலாங்க 39 பந்துகளை எதிர்கொண்டு 69 ஓட்டங்களையும் பெற்றுக்கொண்டனர்.

இந்நிலையில் சிம்பாப்வே அணிக்கு வெற்றியிலக்காக 174 ஓட்டங்களை இலங்கை அணி வெற்றியிலக்காக நிர்ணயித்துள்ளது 

முதலாம் இணைப்பு  

இலங்கை மற்றும் சிம்பாப்வே அணிகளுக்கு இடையிலான இரண்டாவது இருபதுக்கு இருபது கிரிக்கெட் போட்டி தற்போது நடைபெற்று வருகிறது.

நாணய சுழற்சியில் வெற்றிபெற்ற சிம்பாப்வே அணி முதலில் களத்தடுப்பை தெரிவுசெய்துள்ளது.

இதன்படி முதலில் துடுப்பெடுத்தாடிவரும் இலங்கை அணி சற்று நேரம் வரை 12 ஓவர் நிறைவில் 4 விக்கெட் இழப்பிற்கு 70 ஓட்டங்களை பெற்றுள்ளது.