லங்காசிறி FM
ட்ரம்ப் மீண்டும் ஜனாதிபதியானால் வழங்கியுள்ள வாக்குறுதி
அமெரிக்க ஜனாதிபதி தேர்தலில் மீண்டும் வெற்றி பெற்றால் மக்ககளை வருமான வரி செலுத்துவதில் இருந்து விடுவிப்பேன் என டொனால்ட் ட்ரம்ப்(Donald Trump) வாக்குறுதி அளித்துள்ளார்.
இந்த ஆண்டு நவம்பரில் நடைபெறவுள்ள அமெரிக்க ஜனாதிபதி தேர்தலில் மீண்டும் வெற்றி பெறும் நோக்கில் குடியரசு கட்சி வேட்பாளரும், முன்னாள் ஜனாதிபதியுமான டொனால்ட் ட்ரம்ப் மக்களிடம் பல்வேறு வாக்குறுதிகளை வழங்கி வருகிறார்.
வெளியுறவுக் கொள்கை
இந்நிலையில் கார்ப்பரேட் வரி விகிதத்தை 35% இலிருந்து 21% ஆகக் குறைக்கவுள்ளதாகவும் மற்றும் அடுத்த ஆண்டு காலாவதியாகும் பல வரிச் சலுகைகளை நிரந்தரமாக நடைமுறைப்படுத்தவுள்ளதாகவும் கூறியுள்ளார்.
வாஷிங்டன் டிசியில் உள்ள கேபிடல் ஹில் கிளப்பில் நேற்று முன்தினம் அமெரிக்க நாடாளுமன்ற உறுப்பினர்களுடன் அவர் நடத்திய கூட்டத்திலே இந்தக் கொள்கை முன்வைக்கப்பட்டுள்ளது.
கடந்த காலங்களில் அமெரிக்க ஜனாதிபதியாக ட்ரம்ப் பதவி வகித்த போது, வெளியுறவுக் கொள்கையில் பன்முக ஆயுதமாக கட்டணங்கள் பயன்படுத்தப்பட்டது.
ட்ரம்பின் சமீபத்திய முன்மொழிவு, ஜனாதிபதித் தேர்தலில் ஜோ பைடனுக்கு எதிராக அவர் வெற்றி பெற்றால், அவர் இன்னும் கூடுதலான பாதுகாப்புவாத வர்த்தக நிகழ்ச்சி நிரலை செயல்படுத்த விரும்புகிறார் என்பதை தெளிவுபடுத்துகிறது.
ஆனால் இந்த திட்டத்திற்கு பல தரப்பில் இருந்து கண்டனம் எழுந்துள்ள நிலையில் வருமான வரிக்கு பதிலாக கட்டணங்கள் விதிக்கப்படுவது குறைந்த மற்றும் நடுத்தர வர்க்க அமெரிக்கர்களுக்கு பாதிப்பை ஏற்படுத்தும் மற்றும் பணக்காரர்களுக்கு பயனளிக்கும் என கூறப்படுகிறது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP குழுவில் இணையுங்கள் JOIN NOW |
புங்குடுதீவு 11ம் வட்டாரம், புங்குடுதீவு 10ம் வட்டாரம், சுவிஸ், Switzerland, கொழும்பு
12 Mar, 2026
