லங்காசிறி FM
மக்களுக்கு எச்சரிக்கை விடுத்துள்ள சுகாதார துறை
Shrikanth
in ஆரோக்கியம்
மழை காலத்தை தொடர்ந்து நீர் மூலங்கள் மூலம் பரவும் நோய்கள் அதிகரிக்கும் என சுகாதார நிபுணர்கள் எச்சரித்துள்ளனர்.
நுளம்புகள் இனப்பெருக்கம் செய்வதற்கு ஏற்ற சூழ்நிலை உருவாகியுள்ளதால் டெங்கு, எலிக்காய்ச்சல், ஹெபடைடிஸ் மற்றும் வயிற்றுப்போக்கு போன்ற நோய்கள் வேகமாகப் பரவக்கூடும் என்று உடல் நோய்களுக்கான நிபுணர் வைத்தியர் ஆனந்த விஜேவிக்ரம தெரிவித்துள்ளார்.
மழைக்காலம் பல தொற்று நோய்களின் அபாயத்தை அதிகரிக்கிறது, டெங்கு காய்ச்சல் ஒரு பெரும் ஆபத்தாக மாறியுள்ளது.
குடிநீரில் கலந்துள்ள மழைநீர்
வெள்ளம் மற்றும் நீர் தேங்கி நிற்கும் இடங்கள் நுளம்புகள் இனப்பெருக்கம் செய்ய ஏற்றதாகியுள்ளன.அதே நேரத்தில், வெள்ளம் காரணமாக, விலங்குகளின் சிறுநீர் நீரில் கலப்பதால் ‘எலிக்காய்ச்சல்’ பரவுவதற்கும் வாய்ப்புள்ளது என விஜேவிக்ரம விளக்கியுள்ளார்.
வெள்ளம் அல்லது சேற்றுப் பகுதிகளில் வேலை செய்யும் அல்லது நடக்கும் விவசாயிகள் மற்றும் கட்டுமானத் தொழிலாளர்கள் போன்றவர்கள் குறிப்பாக ஆபத்தில் உள்ளனர் என்றும் அவர் எச்சரித்துள்ளார்.
பாதுகாப்பு நடவடிக்கைகள்
அத்தகையவர்கள் காலணிகள், கையுறைகள் மற்றும் பாதுகாப்பு ஆடைகளை அணிய வேண்டும், மேலும் காய்ச்சல், தலைவலி, சளி அல்லது தசை வலி போன்ற அறிகுறிகள் ஏற்பட்டால் உடனடியாக மருத்துவ உதவியை நாட அறிவுறுத்தப்பட்டுள்ளனர்.
வெள்ள காலங்களில், மக்கள் பெரும்பாலும் கிணறுகள் அல்லது ஓடைகளில் இருந்து மாசுபட்ட தண்ணீரைப் பயன்படுத்துகிறார்கள், இது தொற்றுகளின் அபாயத்தை அதிகரிக்கிறது.
சாப்பிடுவதற்கு முன் கைகளை கழுவுதல், சுடு தண்ணீரைக் குடித்தல், உணவை மூடுதல், சேற்று அல்லது தேங்கி நிற்கும் தண்ணீரைத் தவிர்ப்பது போன்ற எளிய வழிமுறைகள் நோய் அபாயத்தைக் குறைக்கும் என்றும் அவர் சுட்டிக்காட்டியுள்ளார்.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024