லங்காசிறி FM
வலப்பனை பிரதேச சபை தேசிய மக்கள் சக்தி வசம்
வலப்பனை பிரதேச சபையின் தவிசாளராக தேசிய மக்கள் சக்தியின் உறுப்பினர் நளின் தேசப்பிரிய தெரிவு செய்ய்பட்டுள்ளார்.
குறித்த பிரதேச சபைக்கான தலைவர், உபதலைவர் தெரிவு இன்று(30) காலை 10 மணியளவில் வலப்பனை பிதேச சபை கேட்போர் கூடத்தில் நடைபெற்றது.
இதன்போது, தேசிய மக்கள் சக்தியின் உறுப்பினர் நளின் தேசப்பிரிய, திறந்த வாக்கெடுப்பு மூலம் பிரதேச சபையின் புதிய தலைவராக தேர்ந்தெடுக்கப்பட்டுள்ளதுடன் ஐக்கிய மக்கள் முன்னணியை சேர்ந்த உறுப்பினர் சுனில் குமாரசிங்க சபையின் உப தலைவராக தேர்ந்தெடுக்கப்பட்டார்.
தேசிய மக்கள் சக்தி
இதில் தேசிய மக்கள் சக்தி சார்பாக நளின் தேசப்பிரிய, ஐக்கிய மக்கள் சக்தி சார்பாக லக்ஷான் ரந்திக்க ஆகியோர் தலைவருக்காக போட்டியிட்டனர். இதில் திறந்த வாக்கெடுப்பிற்கு 34 வாக்குகள் கிடைக்கப்பெற்றதால், திறந்த வாக்கெடுப்பு இடம்பெற்றது. இதில் 34 வாக்குகளை பெற்று சபையின் தலைவராக தேசிய மக்கள் சக்தியின் உறுப்பினர் நளின் தேசப்பிரிய தெரிவு செய்யப்பட்டார்.
எதிராக போட்டியிட்ட ஐக்கிய மக்கள் சக்தி சார்பாக லக்ஷான் ரந்திக்க 29 வாக்குகளே பெற்றுக்கொண்டார். இதில் ஸ்ரீலங்கா பொதுஜன பெரமுன சார்பில் ஒரு உறுப்பினர் வாக்களிப்பில் இருந்து விலகிக் கொண்டார்.
இதே இந்த சபைக்கு உப தலைவர் தெரிவில் ஐக்கிய மக்கள் முன்னணி சார்பாக சுனில் குமாரசிங்க பெயர் முன்மொழியப்பட்டது. அதனையடுத்து, ஸ்ரீலங்கா பொதுஜன பெரமுன சார்பாக சமன் குமார தேசப்பிரிய பெயர் முன்மொழியப்பட்டது.இதன்போது, ஐக்கிய மக்கள் முன்னணி சார்பாக சுனில் குமாரசிங்க 34 வாக்குகளை பெற்று சபையின் உப தலைவராக தெரிவு செய்யப்பட்டார்.
ஸ்ரீலங்கா பொதுஜன பெரமுன சார்பாக சமன் குமார தேசப்பிரிய 29 வாக்குகளே பெற்றுக்கொண்டார். இதிலும், ஸ்ரீலங்கா பொதுஜன பெரமுன சார்பில் ஒரு உறுப்பினர் வாக்களிப்பில் இருந்து விலகிக் கொண்டார்.
வலப்பனை பிரதேச சபை (64 உறுப்பினர்கள்), தேசிய மக்கள் சக்தி - 30, ஐக்கிய மக்கள் சக்தி - 15,ஸ்ரீலங்கா பொதுஜன பெரமுன 07, ஐக்கிய தேசிய கட்சி - 05, சர்வஜன அதிகாரம் - 03, ஐக்கிய மக்கள் முன்னணி - 04
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
சரவணை கிழக்கு, நியூ யோர்க், United States, கோண்டாவில் கிழக்கு
30 Jun, 2025
புளியங்கூடல், கல்விளான், விசுவமடு, கொக்குவில், Paris, France, Basel, Switzerland
27 Jun, 2025
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
