லங்காசிறி FM
அமெரிக்க கடற்படைச் செயலாளர் ஜோன் ஃபீலன் பதவி நீக்கம் : பென்டகன் அறிவிப்பு
அமெரிக்கக் கடற்படைச் செயலாளர் ஜோன் ஃபீலன் (John Phelan) தனது பதவியிலிருந்து உடனடியாக விலகுவதாக பென்டகன் அறிவித்துள்ளது.
அவருக்குப் பதிலாக, கடற்படையின் துணைச் செயலாளர் ஹங் காவ் (Hung Cao) தற்காலிகமாக அந்தப் பொறுப்பை கவனிப்பார் எனத் தெரிவிக்கப்பட்டுள்ளது.
கடற்படைத் தலைமையகத்தில் ஏற்பட்டுள்ள மாற்றம்
அமெரிக்க - ஈரான் போர் மற்றும் ஹோர்முஸ் நீரிணையில் நீடிக்கும் பதற்றங்களுக்கு மத்தியில், ட்ரம்ப் நிர்வாகத்தின் கீழ் பணியாற்றும் மற்றுமொரு உயர்மட்ட இராணுவ அதிகாரி வெளியேற்றப்பட்டிருப்பது பெரும் பரபரப்பை ஏற்படுத்தியுள்ளது.
கடற்படைச் செயலாளருக்கான இந்தப் பதவி முக்கியமாக நிர்வாக ரீதியானது என்றாலும், கப்பல் கட்டுமானத் திட்டங்கள் தொடர்பாக பாதுகாப்புத் துறைச் செயலாளர் பீட் ஹெக்செத் (Pete Hegseth) உடன் ஏற்பட்ட மோதலே ஃபீலனின் பதவி நீக்கத்திற்குக் காரணம் எனத் தெரியவருகிறது.
ஜனாதிபதி ட்ரம்ப்பின் 'கோல்டன் பிளீட்' (Golden Fleet) மற்றும் புதிய ரகப் போர்க்கப்பல்களைக் கட்டமைக்கும் திட்டத்தைச் செயல்படுத்துவதில் ஏற்பட்ட இழுபறி, ஃபீலனின் வெளியேற்றத்திற்கு முக்கியக் காரணமாகக் கூறப்படுகிறது.
அவருக்குப் பதிலாகப் பொறுப்பேற்றுள்ள ஹங் காவ், ட்ரம்ப்பின் தீவிர ஆதரவாளராகவும், 25 ஆண்டுகள் கடற்படையில் பணியாற்றிய அனுபவம் கொண்டவராகவும் அறியப்படுகிறார்.
அமெரிக்கா தனது கடல்சார் முற்றுகையைத் தொடரும் என ட்ரம்ப் அறிவித்துள்ள சூழலில், கடற்படைத் தலைமையகத்தில் ஏற்பட்டுள்ள இந்த மாற்றம் இராஜதந்திர ரீதியாக முக்கியத்துவம் பெறுகிறது.
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
மானிப்பாய், London Ontario, Canada
07 Aug, 2025
யாழ் நெடுந்தீவு 12ம் வட்டாரம், Jaffna, நயினாதீவு, London, United Kingdom
02 Aug, 2026
