யாழில் மர்மமான முறையில் உயிரிழந்த முதியவர்கள்..! சடலங்களுடன் வசித்த மகள்

 யாழ்.வேலணை பகுதியில் உயிரிழந்த நிலையில் மீட்கப்பட்ட இருவரின் மகள், கடந்த மூன்று நாட்களுக்கும் மேலாக உயிரிழந்த நிலையில் காணப்பட்ட தனது தாய் மற்றும் மாமாவுடன் அதே வீட்டில் வசித்து வந்துள்ளதாகத் தெரிவிக்கப்படுகிறது.

குறித்த வீட்டில் மூதாட்டியின் 45 வயதுடைய புத்திசுவாதீனமற்ற மகளும் வசித்து வந்துள்ளார்.

உறவினர்களின் நெருக்கமான தொடர்பின்றி தனிமையில் வாழ்ந்து வந்த குறித்த குடும்பத்தினரின் வீட்டில் இருந்து இன்று காலை துர்நாற்றம் வீசியதை அடுத்து, அயலவர்கள் வீட்டின் வளாகத்திற்குச் சென்று பார்த்தபோது இரு முதியவர்களும் உயிரிழந்த நிலையில் காணப்பட்டுள்ளனர்.

விசாரணை

சம்பவ இடத்திற்கு வருகை தந்த ஊர்காவல்துறை நீதவான் நீதிமன்ற நீதவான் ஹனிபா ரயீஸ், சடலங்களைப் பார்வையிட்டதுடன், சட்ட வைத்திய அதிகாரி செல்லையா பிரணவனும் சம்பவ இடத்தில் விசாரணைகளை முன்னெடுத்தார்.

இரு முதியவர்களின் உயிரிழப்பும் கொலையா அல்லது தற்கொலையா என்பது தொடர்பில் ஊர்காவல்துறை பொலிஸார் விசாரணைகளை முன்னெடுத்து வருகின்றனர்.

முதலாம் இணைப்பு

யாழ்ப்பாணம் - வேலணை செட்டிபுலம் பகுதியில் உள்ள வீடொன்றிலிருந்து இரண்டு சடலங்கள் அழுகிய நிலையில் மீட்கப்பட்டுள்ள சம்பவம் அப்பகுதியில் பெரும் பரபரப்பை ஏற்படுத்தியுள்ளது.

குறித்த வீட்டிலிருந்து துர்நாற்றம் வீசியதை அவதானித்த அப்பகுதி மக்கள், இன்று (06.11.2026) ஊர்காவற்றுறை பொலிஸாருக்கு தகவல் வழங்கியுள்ளனர்.

இதனையடுத்து சம்பவ இடத்திற்குச் சென்ற ஊர்காவற்றுறை பொலிஸார் குறித்த வீட்டைச் சோதனையிட்டபோது, அங்கு ஒரு ஆண் மற்றும் ஒரு பெண் என இரண்டு சடலங்கள் அழுகிய நிலையில் காணப்பட்டதாகத் தெரிவிக்கப்படுகிறது.

சம்பவம் தொடர்பான மேலதிக விசாரணை

சம்பவம் தொடர்பில் ஊர்காவற்றுறை பொலிஸார் விசாரணைகளை முன்னெடுத்த நிலையில் குறித்த இருவரும் 73 மற்றும் 74 வயதுடைய முதியவர்களே இவ்வாறு சடலாமாக மீட்கப்பட்டதாக தெரிவித்துள்ளனர்.

அத்துடன் முத்துலிங்கம் புவனேஸ்வரி மற்றும் சுப்பிரமணியம் பாலசுந்தரம் ஆகிய இரு வயோதிபர்களே சடலங்களாக மீட்கப்பட்டுள்ளனர்.

எனினும் அவர்கள் உயிரிழந்தமைக்கான காரணம் மற்றும் உயிரிழப்பு இடம்பெற்ற காலப்பகுதி தொடர்பான மேலதிக விபரங்கள் இதுவரை கண்டறியப்படவில்லை.

இச்சம்பவம் தொடர்பான மேலதிக விசாரணைகள் தொடர்ந்து முன்னெடுக்கப்பட்டு வருவதாக ஊர்காவற்றுறை பொலிஸார் தெரிவித்தனர்.

இந்தியாவில் வாழும் இலங்கைத் தமிழர்களுக்கு கடவுச்சீட்டு மற்றும் விசா விதிகளில் மாற்றம்

நீதிமன்றில் முன்னிலைப்படுத்தப்பட்ட நாமல் ராஜபக்ச! பிறப்பிக்கப்பட்ட உத்தரவு

you may like this video