லங்காசிறி FM
மயிலத்தமடுவில் தொடரும் அச்சம்! இரண்டு பசுக்களைச் சுட்டுக்கொன்ற மர்ம நபர்கள்
மட்டக்களப்பு மாவட்டத்தின் மயிலத்தமடு – மாதவனை மேய்ச்சல் தரைப் பிரதேசத்தில், பண்ணையாளர் ஒருவருக்குச் சொந்தமான இரண்டு பசுக்கள் இனந்தெரியாத நபர்களால் சுட்டுக் கொல்லப்பட்டுள்ள சம்பவம் அப்பகுதி கால்நடை வளர்ப்பாளர்கள் மத்தியில் பெரும் அதிர்ச்சியையும் அச்சத்தையும் ஏற்படுத்தியுள்ளது.
சந்திவெளிப் பிரதேசத்தைச் சேர்ந்த ஆனந்தன் என்பவருக்குச் சொந்தமான இரண்டு பசுக்களே இவ்வாறு சுட்டுக் கொல்லப்பட்டுள்ளன.
பெரும் அதிர்ச்சி
கொல்லப்பட்ட குறித்த இரண்டு பசுக்களின் மொத்தப் பெறுமதி 2 இலட்சத்து 80 ஆயிரம் ரூபாய்க்கும் அதிகம் என மதிப்பிடப்பட்டுள்ளது. தனது வாழ்வாதாரமாக விளங்கிய கால்நடைகள் சுட்டுக்கொல்லப்பட்டமை தொடர்பில் நீதி கோரி, பாதிக்கப்பட்ட பண்ணையாளர் மயிலத்தமடு – மாதவனை பிரதேச பொலிஸ் நிலையத்தில் முறைப்பாடு செய்வதற்காகச் சென்றுள்ளார்.
எனினும், சுட்டுக்கொல்லப்பட்ட பசுக்களின் பெறுமதி அதிகமாகக் காணப்படுவதைக் காரணங்காட்டி, குறித்த முறைப்பாட்டைப் பதிவு செய்வதற்கு மயிலத்தமடு – மாதவனை பிரதேச பொலிஸார் மறுப்புத் தெரிவித்துள்ளதாகத் தெரிவிக்கப்படுகிறது.
அத்துடன், இது தொடர்பான முறைப்பாட்டை கரடியனாறு பொலிஸ் நிலையத்தில் பதிவு செய்யுமாறு பொலிஸார் அறிவுறுத்தியுள்ளனர்.
பெரும் கவலை
ஏற்கனவே மயிலத்தமடு – மாதவனை மேய்ச்சல் தரைப் பகுதியில் கால்நடை வளர்ப்பாளர்கள் பல்வேறு அச்சுறுத்தல்களையும் சவால்களையும் எதிர்நோக்கி வரும் நிலையில், தற்போது கால்நடைகள் துப்பாக்கிச் சூட்டுக்கு இலக்காகியுள்ளமை பண்ணையாளர்களிடையே பெரும் கவலையை ஏற்படுத்தியுள்ளது.
இந்தச் சம்பவம் தொடர்பில் உரிய அதிகாரிகள் மற்றும் பாதுகாப்புத் தரப்பினர் உடனடியாகத் தலையிட்டு, குற்றவாளிகளைக் கைது செய்வதுடன் பாதிக்கப்பட்ட பண்ணையாளருக்கு உரிய நியாயத்தைப் பெற்றுக்கொடுக்க வேண்டும் என அப்பகுதி கால்நடை வளர்ப்பாளர்கள் கோரிக்கை விடுத்துள்ளனர்.
மைக்ரோசாஃப்ட் சேவை முடக்கம்... பிரித்தானியா முழுவதிலும் மருத்துவமனைகள், பாடசாலைகள் பாதிப்பு News Lankasri
புடின் விடுத்த மிரட்டல்... ரகசிய ரஷ்யப் பகுதியைக் கண்காணிக்கும் பிரித்தானிய உளவு விமானங்கள் News Lankasri
பிரித்தானியாவிலிருந்து வெளியேற வாக்கெடுப்பு நடத்திய கிராமம்: ஏமாற்றத்தை அளித்துள்ள தகவல் News Lankasri
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
யாழ்ப்பாணம், Cinnamon Gardens, Colombo, Wimbledon, United Kingdom
06 Nov, 2026
கோண்டாவில் மேற்கு, Greven, Germany, Münster, Germany, Nordwalde, Germany, High Wycombe, United Kingdom
29 Oct, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
