லங்காசிறி FM
தமிழ் ஊடகவியலாளர் மீதான வழக்கு விசாரணை ஒத்திவைப்பு
Sajithra
in சட்டம் மற்றும் ஒழுங்கு
ஊடகவியலாளர் நிலாந்தன் மீதான வழக்கு விசாரணை எதிர்வரும் மே மாதம் ஐந்தாம் திகதிக்கு ஒத்தி வைக்கப்பட்டுள்ளது.
முன்னாள் செங்கலடி பிரதேச செயலாளர் வில்வரெட்ணம் தொடர்பான செய்திகளை ஊடகங்களிலும், சமூக வலைத்தளங்களிலும் செய்திகளாக பதிவிட்டதாக கூறி கடந்த 2019 பெப்ரவரி 21ஆம் திகதி, தனது அரச கடமைக்கு இணையத்தளம் ஊடாக குந்தகம் விளைவித்தார், அரச கடமைக்கு தடை ஏற்படுத்தினார் என ஏறாவூர் பொலிஸ் நிலையத்தில் முறைப்பாடு செய்யப்பட்டது.
இதற்கமைய, ஊடகவியலாளர் செல்வக்குமார் நிலாந்தன் மீது ஏறாவூர் சுற்றுலா நீதிமன்றத்தில் வழக்குத் தாக்கல் செய்திருந்தனர்.
முன்வைக்கப்பட்ட குற்றச்சாட்டுக்கள்
குறித்த வழக்கு விசாரணையானது கடந்த நான்கு வருடங்களாக விசாரணைக்கு எடுத்துக் கொள்ளப்படாத அதேவேளை, இன்றையதினம் (20.01.2025) விசாரணைக்கு எடுத்துக் கொள்ளப்பட இருந்த போதும், எதிர்வரும் மே மாதம் ஐந்தாம் திகதிக்கு ஒத்திவைக்கப்பட்டுள்ளது.
கடந்த காலங்களில் செங்கலடி பிரதேச செயலாளராக இருந்து தற்போது கிழக்கு மாகாண சபையில் நிர்வாக பிரதி செயலாளராக கடமையாற்றி வரும் நல்லையா வில்வரெட்ணம் மீது, சுமத்தப்பட்ட தவறான நடத்தை குற்றச்சாட்டுக்கள் மற்றும் ஊழல் குற்றச்சாட்டுக்கள் உள்ளிட்ட பல்வேறு குற்றச்சாட்டுக்களுக்காக பிரதேச செயலாளர் பதவியில் இருந்து நீக்கப்பட்டு விசாரணைகள் நடைபெற்று வந்தது.
இந்நிலையில், அது குறித்து ஊடகங்களில் செய்திகளை பிரசுரித்த ஊடகவியலாளர் மீது பொய்க்குற்றச்சாட்டுக்களை முன்வைத்து ஏறாவூர் பொலிஸார் வழக்கு தாக்கல் செய்துள்ளதாக தெரிவிக்கப்படுகின்றது.
முன்னாள் செங்கலடி பிரதேச செயலாளர் வில்வரெட்ணம் குறித்த ஊழல் உள்ளிட்ட குற்றச்சாட்டுக்கள் தொடர்பில் விசாரணை நடத்தாத முந்தைய அரசாங்கம் மற்றும் அது குறித்த செய்திகளை வெளியிடும் ஊடகவியலாளர்கள் மீதி பொய் வழக்கு பதிவு செய்து ஊடகவியலாளர்களின் கடமைக்கு பங்கம் விளைவித்து, இலஞ்ச ஊழல் குற்றம் புரியும் அரச அதிகாரிகளை பாதுகாக்கும் வகையில் பொலிஸார் செயற்படுவது தொடர்பாக புதிய அரசாங்கம் கவனம் செலுத்த வேண்டும் என ஊடக அமைப்புக்கள் கோரிக்கை விடுத்துள்ளன.
மேலும், ஊடகவியலாளர் செல்வக்குமார் நிலாந்தன் மீதான அடக்கு முறைகள் குறித்து சுயாதீன விசாரணை ஒன்றை நடாத்துவதற்கு புதிய அரசாங்கம் முன்வர வேண்டும் எனவும் கிழக்கு மாகாண ஊடகவியலாளர் சங்கம் கோரியுள்ளது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
யாழ் பருத்தித்துறை வராத்துப்பளை, Jaffna, Mönchengladbach, Germany
18 Jan, 2025
புங்குடுதீவு 8ம் வட்டாரம், Montreal, Canada, Toronto, Canada, வவுனியா
21 Jan, 2022
நெடுந்தீவு மேற்கு, வன்னேரிக்குளம், Moissy-Cramayel, France
16 Jan, 2025
மல்லாவி யோகபுரம், கொழும்பு, Kuala Lumpur, Malaysia, Toronto, Canada, அளவெட்டி
25 Dec, 2024
புங்குடுதீவு 2ம் வட்டாரம், புங்குடுதீவு 5ம் வட்டாரம், பிரான்ஸ், France
20 Jan, 2011
புங்குடுதீவு 9ம் வட்டாரம், முரசுமோட்டை, சுவிஸ், Switzerland
21 Jan, 2021
புங்குடுதீவு 12ம் வட்டாரம், கிளிநொச்சி, Eastham, United Kingdom, பேர்ண், Switzerland
20 Jan, 2022
