நிலவில் தொடருந்து போக்குவரத்தை உருவாக்க அமெரிக்கா திட்டம்

United States of America Technology

By Dharu Mar 22, 2024 08:34 PM GMT

Dharu

in தொழில்நுட்பம்

Report

அறிவியலின் அடுத்த பரிணாமத்தை வெளிப்படுத்தும் முகமாக நிலவில் தொடருந்து போக்குவரத்தை உருவாக்க அமெரிக்கா ஒப்பந்தம் செய்துள்ளது.

அமெரிக்காவில் மேம்பட்ட தொழில்நுட்பத்தின் ஆராய்ச்சி மற்றும் மேம்பாட்டிற்கு உருவாக்கப்பட்ட அமைப்பான தர்ப்பா(DARPA) நிறுவனம் இந்த ஒப்பந்தத்தை அறிமுகம் செய்துள்ளது.

இந்த திட்டத்தின் மூலம் மனிதரை நிலவுக்கு கொண்டு செல்ல உதவிய பல தொழில்நுட்பங்களின் உந்து சக்தியாக குறித்த அமைப்பு இருந்துள்ளது.

செல்லவும் திட்டம்

நார்த்ரோப் க்ரம்மன் எனும் நிறுவனத்துடன் நிலவில் தொடருந்து போக்குவரத்து அமைப்பை உருவாக்குவதற்கான ஒரு கருத்தை உருவாக்குவதற்கும், அதை முன்னெடுத்து செல்லவும் திட்டம் வகுக்கப்பட்டுள்ளது.

நிலவில் தொடருந்து போக்குவரத்தை உருவாக்க அமெரிக்கா திட்டம் | Transit On The Moon Us Plan

இத்திட்டத்தின் மூலம் மனிதர்கள், பொருட்கள் மற்றும் வளங்களை சந்திர மேற்பரப்பின் பல்வேறு பகுதிகளுக்கு கொண்டு செல்ல பயன்படுத்தலாம் என அமெரிக்கா கூறியுள்ளது.

அத்துடன் வளர்ந்து வரும் அமெரிக்காவின் விண்வெளி பொருளாதாரத்திற்கு பங்களிக்க முடியும். இதற்காக நார்த்ரோப் க்ரம்மன் நிறுவனம் புதிய ஆய்வை மேற்கொள்கிறது.

முதலில் நிலவில் தொடருந்து அமைப்பு உருவாக்க தேவைப்படும் இடைமுகங்கள் மற்றும் வளங்களை வரையறுக்க வேண்டும் எனவும், பின்னர், அது எதிர்பார்க்கக்கூடிய செலவு,. தொழில்நுட்ப மற்றும் தளவாட அபாயங்களின் பட்டியலையும் அந்நிறுவனம் தயார் செய்ய வேண்டும் என்றும் கூறப்பட்டுள்ளது.