லங்காசிறி FM
ஐரோப்பாவில் தேடப்படும் இலங்கையர் - கண்டவர்கள் உடன் அறிவிக்குமாறு அரசாங்கம் கோரிக்கை
இத்தாலியில் 2009 ஆம் ஆண்டு முதல் வசித்து வருவதாக நம்பப்படும் இலங்கையர் ஒருவரை அடையாளம் காண வெளிவிவகார அமைச்சு பொதுமக்களின் உதவியை நாடியுள்ளது.
நேற்று வெளியிடப்பட்டுள்ள பொது அறிவித்தலொன்றில் இந்த கோரிக்கை விடுக்கப்பட்டுள்ளது.
இந்த நபரின் அடையாளத்தை உறுதிப்படுத்தவும், அவரது குடும்ப உறுப்பினர்கள் அல்லது தெரிந்தவர்களைக் கண்டறியவும் தகவல்களை கோருவதாக அமைச்சு தெரிவித்துள்ளது.
திருமணமாகாத நபர்
அமைச்சின் தகவலுக்கமைய, குறித்த நபர் 1961ஆம் ஆண்டு பெப்ரவரி மாதம் 8ஆம் திகதி மருதானையில் பிறந்த கமகே சுனில் சரத் அல்லது 1963ஆம் ஆண்டு ஜூன் மாதம் 28ஆம் திகதி நீர்கொழும்பில் பிறந்த கச்சகடுகே பெர்னாண்டோ நோயல் வியானி குமார ஆகிய இருவரில் ஒருவராக இருக்கலாம் என அடையாளம் காணப்பட்டுள்ளார்.
முதலாவது நபரின் முகவரி இராஜகிரிய, நாவல வீதி எனவும், இரண்டாவது நபர் போயவலான பகுதியுடன் தொடர்புடையவர் எனவும் குறிப்பிடப்பட்டுள்ளது. குறித்த நபர் திருமணமாகாதவர் என பதிவு செய்யப்பட்டுள்ளது.
2009 ஆம் ஆண்டு முதல் இத்தாலியின் பொலோக்னா நகரில் அவர் வசித்து வந்ததாக நம்பப்படுவதாக அமைச்சின் அறிக்கையில் தெரிவித்துள்ளது.
2026ஆம் ஆண்டு ஜூலை மாதம் 23ஆம் திகதி அன்று மெசினா பகுதியில் அவர் இருந்ததாக கூறப்படும் நிலையில், 2026 ஒக்டோபர் மாத நிலவரப்படி அவரது கடைசியாக அறியப்பட்ட வதிவிட முகவரி இத்தாலியின் லிப்பாரியில் உள்ள வியா சான் ஜியோர்ஜியோ ஆகும்.
அமைச்சின் கோரிக்கை
குறித்த நபரை அடையாளம் காணவோ அல்லது அவரது குடும்ப உறுப்பினர்கள் மற்றும் தெரிந்தவர்களைக் கண்டறியவோ உதவக்கூடிய தகவல்களை அறிந்த எவரும், தூதரக விவகாரப் பிரிவை தொடர்பு கொள்ளுமாறு அமைச்சு கேட்டுக்கொண்டுள்ளது.
தகவல்களை 011 227 5525 என்ற தொலைபேசி இலக்கத்திற்கு அழைப்பதன் மூலமோ அல்லது consular@mfa.gov.lk என்ற மின்னஞ்சல் முகவரி மூலமோ வழங்க முடியும்.
அமைச்சினால் வெளியிடப்பட்ட இந்த அறிவித்தலிலிருந்து 14 நாட்களுக்குள் உரிய தகவல்களை வழங்குமாறு பொதுமக்கள் கேட்டுக்கொள்ளப்பட்டுள்ளனர்.
இதனை மனிதாபிமான விடயமாகக் குறிப்பிட்டுள்ள வெளிவிவகார அமைச்சு, கிடைக்கப்பெறும் அனைத்துத் தகவல்களும் மிக இரகசியமாக பாதுகாக்கப்படும் எனவும் உறுதியளித்துள்ளது.
பொருளாதார நெருக்கடியால் முடங்கியுள்ள ஈரான்... உடல் உறுப்புகளை விற்கும் நிலையில் மக்கள் News Lankasri
பிரித்தானியாவின் மகிழ்ச்சியான நகரங்களின் தரவரிசை: வீடுகளின் விலையில் ஏற்பட்டுள்ள உயர்வு News Lankasri
புங்குடுதீவு, கொழும்பு, Sanaa, Yemen, சென்னை, India, Toronto, Canada, Sacramento, United States
07 Nov, 2026
மலேசியா, Malaysia, தெல்லிப்பழை, Wembley, United Kingdom
09 Oct, 2026
அல்லைப்பிட்டி, பிரான்ஸ், France
12 Nov, 2011
பருத்தித்துறை, London, United Kingdom
19 Oct, 2025