லங்காசிறி FM
நாட்டின் பல்வேறு பகுதிகளில் இன்று பதிவாகிய விபத்து சம்பவங்கள்
நாட்டின் பல்வேறு பகுதிகளில் இடம்பெற்ற மூன்று விபத்துக்களில் மூவர் உயிரிழந்துள்ளனர் என்று பொலிஸ் ஊடகப்பிரிவு இன்று தெரிவித்துள்ளது.
அதற்கமைய குருநாகல், தம்புள்ளை வீதி - மெல்சிறிபுர நகரில், தனியார் பஸ்ஸொன்று பாதசாரி ஒருவர் மீது மோதியதில் பாதசாரி மரணமடைந்துள்ளார்.
பல்லேவத்த பிரதேசத்தை சேர்ந்த 60 வயது நபரே இவ்வாறு உயிரிழந்துள்ளார். விபத்தில் படுகாயமடைந்தவர், குருநாகல் வைத்தியசாலைக்குக் கொண்டு செல்லப்பட்ட போதிலும் அவர் மரணமடைந்துள்ளார்.
விபத்துடன் தொடர்புடைய பஸ்ஸின் சாரதியைப் பொலிஸார் கைது செய்துள்ளனர்.
மாத்தளை, தம்புள்ளை பொலிஸ் பிரிவுகுட்பட்ட மாரிஆராவ வீதி, கிரிவெல்கொட பிரதேசத்தில் கப்ரக வாகனமொன்று எதிர்த்திசையில் வந்த மோட்டார் சைக்கிளொன்றுடன் மோதி விபத்துக்குள்ளாகியுள்ளது.
இந்த விபத்தில் படுகாயமடைந்த மோட்டார் சைக்கிள் செலுத்துநர், தம்பகல்ல வைத்தியசாலையில் சேர்க்கப்படும்போது உயிரிழந்துள்ளார். மாரிஆராவ பிரதேசத்தைச் சேர்ந்த 20 வயது நபரே மரணமடைந்துள்ளார்.
விபத்துடன் தொடர்புடைய கப் ராக வாகனத்தின் சாரதியைப் பொலிஸார் கைது செய்துள்ளனர். அநுராதபுரம், தம்புத்தேகம வீதி, ஹூரிகஸ்வௌ சந்தியில் டிரக்டர் வாகனமொன்று எதிரே வந்த மோட்டார் சைக்கிளொன்றுடன் மோதி விபத்துக்குள்ளாகியுள்ளது.
விபத்தில் படுகாயமடைந்த மோட்டார் சைக்கிள் செலுத்துநர், அநுராதபுரம் வைத்தியசாலையில் சேர்க்கப்படும்போது உயிரிழந்துள்ளார்.
கல்கமுவ பிரதேசத்தை சேர்ந்த 23 வயது இளைஞரே மரணமடைந்துள்ளார். இந்த விபத்துடன் தொடர்புடைய டிரக்டர் வாகனத்தின் சாரதியைக் கைது செய்துள்ள பொலிஸார் மேலதிக விசாரணைகளை மேற்கொண்டு வருகின்றனர்.
இதற்கமைவாக, புத்தளம் - சிலாபம் வீதி, நல்லதரன்கட்டுவ பிரதேசத்தில் வான் ஒன்று வேகக்கட்டுப்பாட்டை இழந்து வீதியை விட்டு விலகி சென்று நிறுத்தி வைக்கப்பட்டிருந்த மோட்டார் சைக்கிளின் மீது மோதி விபத்துக்குள்ளாகியுள்ளது.
விபத்தில் படுகாயமடைந்த மோட்டார் சைக்கிள் செலுத்துநர் சிலாபம் வைத்தியசாலையில் சேர்க்கப்படும்போது மரணமடைந்துள்ளார். சிலாபம் பிரதேசத்தைச் சேர்ந்த 52 வயது நபரே இவ்வாறு உயிரிழந்துள்ளார்.
விபத்துடன் தொடர்புடைய வானின் சாரதியைக் கைதுசெய்துள்ள பொலிஸார் மேலதிக விசாரணைகளை மேற்கொண்டு வருகின்றனர்.
இதேவேளை, பதுளை, ரிதிமாலியத்த பொலிஸ் பிரிவுக்குட்பட்ட பிபிலை பேதியாகொட பிரதேசத்தில் மோட்டார் சைக்கிளொன்று வேகக்கட்டுப்பாட்டை இழந்து வீதியில் குடைசாய்ந்து விபத்துக்குள்ளாகியுள்ளது.
விபத்தில் படுகாயமடைந்த மோட்டார் சைக்கிள் செலுத்துநர் பிபிலை வைத்தியசாலையில் சேர்க்கப்படும்போது மரணமடைந்துள்ளார்.
திரியகம, யல்வல பிரதேசத்தை சேர்ந்த நபரே இவ்வாறு உயிரிழந்துள்ளார்.
இந்த விபத்து தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.
மூன்றாம் உலகப்போரில் மக்கள்தொகையில் மூன்றில் ஒரு பங்கு இறக்கலாம்... பிரபலம் ஒருவரின் தீர்க்கதரிசனம் News Lankasri
ரஷ்யாவின் புதிய அணு ஏவுகணையை எதைக்கொண்டும் தடுக்க முடியாது- எச்சரிக்கும் முன்னாள் ஜனாதிபதி News Lankasri
மனமுடைந்து பதிவிட்ட அர்ச்சனா! - பிக் பாஸ் வீட்டில் அருண் பிரசாத் செய்த விஷயத்தால் சர்ச்சை Cineulagam
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
யாழ் நவாலி தெற்கு, Jaffna, பரிஸ், France, மெல்போன், Australia
21 Nov, 2024
தொண்டைமானாறு, காங்கேசன்துறை, London, United Kingdom
23 Nov, 2024
தெல்லிப்பழை, கொல்லன்கலட்டி, Stryn, Norway, Tromso, Norway
10 Dec, 2020
அனலைதீவு 2ம் வட்டாரம், யாழ்ப்பாணம், Kamen, Germany, Stouffville, Canada
24 Nov, 2024
கல்வியங்காடு, Wembley, United Kingdom, King's Lynn, United Kingdom
22 Nov, 2024
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
