லங்காசிறி FM
ஏறாவூரில் ஊடகவியலாளர் ஒருவருக்கு அச்சுறுத்தல்! பொலிஸில் முறைப்பாடு
மட்டக்களப்பு ஏறாவூர் பகுதியில் ஊடகவியலாளர் ஒருவர் நேற்று ஆர்ப்பாட்டம் ஒன்றில் செய்தி சேகரிப்பில் ஈடுபட்டுக் கொண்டிருந்த போது அவருக்கு அச்சுறுத்தல் விடுக்கப்பட்டமை தொடர்பில் இன்று கரடியனாறு பொலிஸில் முறைப்பாடு ஒன்று பதிவு செய்யப்பட்டுள்ளது.
நேற்று(05) காலை ஏறாவூர் பகுதியில் தொலைத்தொடர்பு கோபுரம் அமைப்பதற்கு எதிராக நடைபெற்ற ஆர்ப்பாட்டம் ஒன்றைக் காணொளிப் பதிவு செய்து கொண்டிருந்த தனியார் ஊடகமொன்றில் கடமை புரியும் ஊடகவியலாளர் குகராசு சுபோஜனை சம்பவ இடத்திற்கு வந்த சிலர் அச்சுறுத்தி காணொளி எடுக்க விடாது தடுத்ததுடன், ஊடகவியலாளரைச் சுற்றி வளைத்து, தாக்குதல் நடத்த முயற்சி செய்துள்ளனர்.
அத்துடன் அவரிடம் இருந்த காணொளி கருவியைப் பறிப்பதற்குப் பல தடவைகள் முயற்சி செய்துள்ளனர்.
குறித்த ஊடகவியலாளரை சுற்றி வளைத்த குழுவினரிடம் தன்னை ஊடகவியலாளர் என்று அடையாளப்படுத்திய போது ஊடகவியலாளர் என்றால் எங்களுக்கு என்ன? உடனடியாக காணொளியை அழிக்குமாறும் கூறியும் கடுமையாக எச்சரித்து ஊடகவியலாளர் மீது தாக்குதல் நடாத்துவதற்கு முயற்சித்ததோடு காணொளி கருவியை பறிப்பதற்கு முயற்சி செய்துள்ளனர்.
இதனால் பாதிப்புக்கு உள்ளான ஊடகவியலாளர் அந்த இடத்திலிருந்து பாதுகாப்பாக அகன்று சென்றுள்ளார்.
மக்கள் பிரச்சினைகளை வெளிக்கொண்டுவரும் நோக்கில் குறித்த இடத்திற்குச் சென்ற ஊடகவியலாளர் மீது மேற்கொள்ளப்பட்ட மிக மோசமான ஊடக அடக்குமுறை இதுவாகும்.
எனவே ஊடகவியலாளரை அச்சுறுத்திய குறித்த குழுவினரை ஏறாவூர் பொலிஸார் கைது செய்ய வேண்டும் என ஊடகவியலாளர்கள் கோரிக்கை விடுத்துள்ளனர். இதேவேளே இன்று சம்பவத்தில் பாதிக்கப்பட்ட ஊடகவியலாளர் மட்டக்களப்பு- கரடியனாறு பொலிஸ் நிலையத்தில் தமது ஊடக கடமைக்கு இடையூறு செய்து தாக்க முயற்சித்ததாக இரண்டு பேர் மீது முறைப்பாடு பதிவு செய்துள்ளார்.
இது தொடர்பில் பொலிஸார் விசாரணைகளை ஆரம்பித்துள்ளனர்.
நாரந்தனை, யாழ்ப்பாணம், London, United Kingdom, Gloucester, United Kingdom, Lancaster, United Kingdom
23 Feb, 2025
புங்குடுதீவு 3ம் வட்டாரம், கோண்டாவில் கிழக்கு, Toronto, Canada
23 Feb, 2025
யாழ்ப்பாணம், கொழும்பு, Kajang, Malaysia, London, United Kingdom, Birmingham, United Kingdom
21 Feb, 2025
