அம்மா - மகன் தொடர் கைதுகளால் அதிர்ச்சி! ஆட்டம் காணும் ராஜபக்ச குடும்பம் - இனியும் தொடரும் என கூறிய அமைச்சர்

ராஜபக்ச குடும்பத்தில் பலர் கைது செய்யப்பட்டிருப்பது அவர்களை பழிவாங்கும் நடவடிக்கை அல்ல. சட்டம் அனைவருக்கும் சமமாக பின்பற்றப்படுகின்றது என்று அமைச்சர் லால்காந்த தெரிவித்துள்ளார்.

ஊடகங்களுக்கு கருத்துத் தெரிவிக்கும் போதே அவர் மேற்கண்டவாறு குறிப்பிட்டார்.

தொடர்ந்தும் தெரிவிக்கையில்,

ராஜபக்ச குடும்பத்தில், அம்மா, அப்பா, மகன் என அனைவரும் அரசியல் அதிகாரத்தையும் மக்களால் வழங்கப்பட்ட ஆணையையும் மக்களின் நம்பிக்கையையும் பயன்படுத்தி திருட்டு மற்றும் மோசடியில் ஈடுபட்டிருப்பார்கள் எனில், அவர்கள் ஒரே குடும்பத்தைச் சேர்ந்தவர்களா இல்லையா என்பதை பார்க்க வேண்டிய அவசியம் இல்லை.

சட்டம் அனைவருக்கும் சமம் 

அவர்கள், யார், எந்தப் பின்னணியைச் சேர்ந்தவர்கள், எந்தக் குடும்பம் என்பதைப் பொருட்படுத்தாமல் சட்டம் நடைமுறைப்படுத்தப்படும்.

இந்த நாட்டில் இதற்கு முன்னர், தேங்காய்களைத் திருடிய சிறுவன், பலாப்பழம் பறித்துச் சென்றவர் என பலருக்கு எதிராக சட்டம் நடைமுறைப்படுத்தப்பட்டுள்ளது. 

ஆனால், உயர்மட்டத்தில் இருப்பவர்களுக்கு எதிராக இதுவரை சட்டம் நடைமுறைப்படுத்தப்பட்டதில்லை.

இப்போது அனைவருக்கும் சட்டம் சமமாக நடைமுறைப்படுத்தப்படுவதால், தாங்கள் எதிர்பார்க்காத ஒன்று நடைபெறும் போது அவர்கள் அதிர்ச்சியடைகின்றார்கள்.

இந்த நிலையில் இருந்து தப்பித்துக் கொள்வதற்காக பல்வேறு கருத்துக்களை உருவாக்கி இது அரசியல் பழிவாங்கல் என்றும், ஒடுக்குமுறை என்றும் கூறுகின்றனர்.

ஆனால், இங்கு சட்டம் தான் சமமாக நடைமுறைப்படுத்தப்படுகின்றது. மாறாக அரசியல் பழிவாங்கல் அல்ல. இந்த மூன்று ஆண்டுகளிலும் சட்டம் நடைமுறைப்படுத்தப்படும்.

அடுத்த ஐந்து ஆண்டுகளிலும் நடைமுறைப்படுத்தப்படும். நாங்கள் ஆட்சியில் இருக்கும் வரை சட்டம் அனைவருக்கும் சமமாகத்தான் நடைமுறைப்படுத்தப்படும் என குறிப்பிட்டுள்ளார்.    

சரத் பொன்சேகாவுக்கு கிடைத்த நியாயம் ஞானசாரருக்கு இல்லை! அம்பிட்டியே சுமரணரத்ன தேரரின் ஆதங்கம்..

ஷிரந்தி ராஜபக்சவின் மேலும் பல மோசடிகள் அம்பலம்