காவி ஆடைக்கான நீதி - கண்டியில் ஆரம்பித்த பேரணி இன்று கொழும்பில் நிறைவு

Colombo Galagoda Aththe Gnanasara Thero

By Amal Oct 15, 2026 06:47 AM GMT

Amal

in சமூகம்

Report

கலகொடஅத்தே ஞானசார தேரரை சிறையிலிருந்து விடுதலை செய்ய வலியுறுத்தி, மகா சங்கத்தினரின் தலைமையில் ஏற்பாடு செய்யப்பட்ட “சிவரட்ட யுக்திய – தேசிய சூளுரை ஏற்பு மற்றும் சுதந்திரப் பேரணி” இன்று (15) கொழும்பை வந்தடைந்து நிறைவடைகிறது.

கடந்த ஒக்டோபர் 10ஆம் திகதி கண்டியிலுள்ள வரலாற்றுச் சிறப்புமிக்க ஸ்ரீ தலதா மாளிகை வளாகத்திலிருந்து இந்தப் பாதயாத்திரை ஆரம்பமானது.

பேரணி

கடுகன்னாவ, கேகாலை, வரக்காபொல மற்றும் நிட்டம்புவ வழியாகப் பயணித்த பேரணி, நேற்று (14) கடவத்தையைச் சென்றடைந்தது.

இன்று காலை கடவத்தையிலிருந்து மீண்டும் ஆரம்பமாகும் பேரணி, கொழும்பு நகரை நோக்கிப் பயணித்து, ஞானசார தேரர் தடுத்து வைக்கப்பட்டுள்ள சிறைச்சாலைக்கு முன்பாக நிறைவடையும் என அறிவிக்கப்பட்டுள்ளது.

காவி ஆடைக்கான நீதி - கண்டியில் ஆரம்பித்த பேரணி இன்று கொழும்பில் நிறைவு | The Justice Saffron Robe Peace March Concludes

நீதிமன்ற அவமதிப்பு வழக்கில் சிறைத்தண்டனை அனுபவித்து வரும் ஞானசார தேரர், நீதிமன்றத்தில் முன்னிலைப்படுத்தப்பட்டபோது சிறைச்சாலை உடை அணிவிக்கப்பட்டதற்கு எதிர்ப்புத் தெரிவித்தும், அவரை உடனடியாக விடுதலை செய்யக் கோரியும் இந்தப் போராட்டம் முன்னெடுக்கப்பட்டு வருகிறது.