கிரிக்கெட்டின் சிறந்த பந்துவீச்சாளர்: இங்கிலாந்து வீரருக்கு லாரா புகழாரம்

Cricket West Indies cricket team England Cricket Team James Anderson

By Dharu Jul 04, 2024 04:11 AM GMT

Dharu

in விளையாட்டு

Report

கிரிக்கெட் உலகின் ஜாம்பவான் என வர்ணிக்கப்படும் மேற்கிந்திய தீவுகள் அணியின் துடுப்பாட்ட வீரரான பிரைன் லாரா இங்கிலாந்து அணியின் வேகப்பந்து வீச்சாளரான ஜேம்ஸ் ஆண்டசனை உலகின் சிறந்த பந்துவீச்சாளர் என புகழாரம் சூட்டியுள்ளார்.

நடந்து முடிந்த 20க்கு 20 தொடரின் சிறந்த பந்துவீச்சாளருக்கான விருதை இந்திய அணியின் ஜஸ்பிரீத் பும்ரா தனதாக்கியிருந்தார்.

இந்நிலையில் இது தொடர்பில் கருத்து தெரிவிக்கும்போதே லாரா ஆண்டசனுக்கு புகழாரம் சூட்டியுள்ளார்.

டெஸ்ட் தொடர்

மேற்கிந்திய தீவுகள் அணியானது தற்போது இங்கிலாந்து நாட்டிற்கு சுற்றுப்பயணம் மேற்கொண்டு மூன்று போட்டிகள் கொண்ட டெஸ்ட் தொடரில் பங்கேற்று விளையாட உள்ளது .

இந்த தொடரானது ஜூன் 10ஆம் திகதி முதல் ஆரம்பமாக உள்ள நிலையில் அந்த போட்டியுடன் ஜேம்ஸ் ஆண்டர்சன் சர்வதேச கிரிக்கெட்டில் இருந்து ஓய்வு பெறுவதாக அறிவித்துள்ளார்.

கிரிக்கெட்டின் சிறந்த பந்துவீச்சாளர்: இங்கிலாந்து வீரருக்கு லாரா புகழாரம் | The Best Bowler In Cricket

இந்நிலையில் இது தொடர்பில் லாரா கூறியதாவது, இங்கிலாந்து கிரிக்கெட் அணியின் ஜேம்ஸ் ஆண்டர்சன் சமகால கிரிக்கெட்டின் மிகச்சிறந்த வேகப்பந்து வீச்சாளர் அவரின் புள்ளி விவரங்கள் மிகவும் அற்புதமானவை.

இங்கிலாந்து அணிக்காக சர்வதேச கிரிக்கெட்டில் அவர் நிறைய சாதனைகளை செய்துள்ளார்.

கிரிக்கெட்டில் இருந்து ஓய்வு

கிரிக்கெட்டில் இருந்து ஓய்வு பெறுவது அவரது மனநிலை இல்லை என்பது எனக்கு தெரியும்.

ஆனாலும் தற்போது அவர் சர்வதேச கிரிக்கெட்டின் இறுதி தருணத்தில் நிற்கிறார். தனது கடைசி போட்டியில் விளையாட இருக்கும் அவர் தற்போதைய மிகச்சிறந்த வீரர் என்பதில் சந்தேகம் இல்லை. என்னை பொறுத்தவரை அவரே மிகச்சிறந்த வேகப்பந்து வீச்சாளர்." என லாரா கூறியுள்ளார்.