வற் வரிக்கு தண்டம் அறவிடுவது சட்டவிரோதம்: ரெலோ தரப்பு குற்றச்சாட்டு

Sri Lanka Government Of Sri Lanka Sri Lankan Peoples

By Kajinthan Jan 03, 2024 06:15 PM GMT

Kajinthan

in சமூகம்

Report

18 வயதிற்கு மேற்பட்டவர்களுக்கான வற் வரிக்கு விண்ணப்பம் செய்யாதவர்களுக்கு தண்டப்பணம் அறவிட முடியாது என ரெலோ அமைப்பின் ஊடகப் பேச்சாளர் குருசாமி சுரேந்திரன் தெரிவித்துள்ளார்.

ஊடகங்களுக்கு கருத்து தெரிவிக்கும் போதே அவர் மேற்கண்டவாறு கூறியுள்ளார்.

வற் வரிக்கு விண்ணப்பம்

அவர் மேலும் தெரிவிக்கையில்,

”இம்மாதம் ஜனவரி மாதம் முதல் 18 வயதிற்கு மேற்பட்டவர்கள் வரி செலுத்துவதற்காக உள்நாட்டு இறைவரித் திணைக்களத்தில் தமது பெயர்களைக் கட்டாயம் பதிவு செய்ய வேண்டும் என அறிவிப்பு வெளியாகி இருக்கிறது.

இலங்கையில் 18 வயதிற்கு மேற்பட்டவர்கள் வரி செலுத்துவதற்காக பதிவு செய்யப்பட வேண்டும் என்பது ஏற்றுக் கொள்ளக் கூடிய விடயம். ஆனால் பதிவு செய்யாவிட்டால் தண்டப்பணம் அறவிடப்படும் என்பது சட்டவிரோதம் ஆகும்.

ஏனெனில் இலங்கையில் ஒரு இலட்சத்து 20 ஆயிரம் ரூபாய்க்கு மேற்பட்ட மாத வருமானத்தைப் பெறுபவர்கள் கட்டாயம் வரி செலுத்த வேண்டும் என அரசாங்கம் அறிவித்துள்ளது.

வற் வரிக்கு தண்டம் அறவிடுவது சட்டவிரோதம்: ரெலோ தரப்பு குற்றச்சாட்டு | Tax Registration Mandatory And Penalty Is Illegal

தண்டம் என கூறுவது சட்ட விரோதம்

இந்நிலையில் 18 வயதிற்கு மேற்பட்ட எல்லோரும் ஒரு இலட்சத்து 20 ஆயிரம் ரூபாய்க்கு மேல் வருமானம் பெறுபவர்களாக கருத முடியாது.

வறுமைக்கோட்டுக்கு உட்பட்டவர்கள் வரி செலுத்த முடியாது அவர்களின் வருமானம் அதிகரிக்கும் போது வரி செலுத்த முடியும் பதிவு செய்யவில்லை என தண்டம் அறவிட முடியாது.

அதுமட்டுமல்லாது 18 வயதிற்கு மேற்பட்டவர்கள் வருமான வரிக்காக பதிவு செய்யாவிட்டால் 50ஆயிரம் ரூபா தண்டம் அறவிடப்படும் என அறிவித்த அரசாங்கம், இவ்வளவு காலமும் வரி வருமானம் செலுத்தாதவர்களுக்கு என்ன தண்டம் என அறிவிக்கவில்லை.

ஆகவே இலங்கையில் 18 வயதிற்கு மேற்பட்டவர்கள் வருமான வரிக்காக பதிவு செய்வது கட்டாயமாக்குவது நல்ல விடயம் ஆனால் பதிவு செய்யாவிட்டால் 50 ஆயிரம் ரூபாய் தண்டம் என கூறுவது சட்ட விரோதம்.” என தெரிவித்துள்ளார்.

you may like this,