இலங்கையின் சபாநாயகருக்கும் சீனாவின் உயர்மட்ட உறுப்பினருக்கும் இடையில் விசேட பேச்சுவார்த்தை

சீனாவின் உயர்மட்ட சட்டமன்ற உறுப்பினர் லி ஜான்ஷுவுக்கும் இலங்கையின் சபாநாயகர் மஹிந்த யாப்பா அபேவர்த்தனவுக்கும் இடையில் விசேட பேச்சுவார்த்தை ஒன்று இடம்பெற்றுள்ளது. 

நேற்றையதினம்   காணொளி இணைப்பு மூலமாக இந்த  பேச்சுவார்த்தை இடம்பெற்றுள்ளது.

இந்த தகவலை சீனாவின் சின்ஹுவா செய்தி நிறுவனம் தெரிவித்துள்ளது. தேசிய மக்கள் காங்கிரஸ் (NPC) நிலைக்குழுவின் தலைவரான லி, இரு நாடுகளின் தலைவர்கள் எட்டியுள்ள முக்கிய ஒருமித்த கருத்தை அமுல்படுத்துவதற்கும், இருதரப்பு உறவுகளை மேம்படுத்துவதற்கும் சீனா இலங்கையுடன் இணைந்து செயல்பட தயாராக இருப்பதாக கூறினார்.

அரசியல் பரிமாற்றங்களை மேம்படுத்தவும், கோவிட் -19 ஒழப்புக்கான ஒத்துழைப்பை ஆழப்படுத்தவும், பலதரப்பு ஒருங்கிணைப்புக்கு ஒத்துழைக்கவும் இதன்போது அவர் அழைப்பு விடுத்தார்.

சந்திப்பின் போது, லி சீனாவின் கோட்பாடுகள் மற்றும் கோவிட் -19 தோற்றம் குறித்த நிலைப்பாட்டையும் சபாநாயகர் மஹிந்த யாப்பா அபேவர்தனவுக்கு தெளிவுபடுத்தியுள்ளார்.

கோவிட் -19 இன் தோற்றத்தை கண்டறிவது ஒரு சிக்கலான அறிவியல் விடயம் என்றும் இது கூட்டு ஆராய்ச்சி மூலம் உலகெங்கிலும் உள்ள விஞ்ஞானிகளால் மட்டுமே மேற்கொள்ளப்பட முடியும்.

தொற்றுநோய்க்கு எதிரான ஒத்துழைப்புக்கான அறிவியல் சூழல் மற்றும் தோற்றத்தின் தீவிரத்தன்மையை பாதுகாப்பதற்கும் மற்றும் ஒரு சிறந்த சூழ்நிலையை பராமரிப்பதற்கும் சீனா இலங்கையுடன் இணைந்து செயல்பட தயாராக உள்ளது என்றும் லி தெரிவித்தார்.

இதன்போது சபாநயகர் இறையாண்மையைப் பாதுகாக்கவும், பொருளாதார மற்றும் சமூக வளர்ச்சியை ஊக்குவிக்கவும், கொவிட் -19 க்கு எதிரான போராட்டத்தில் இலங்கையின் முயற்சிகளுக்கு உறுதியான ஆதரவளிப்புக்காக சீனாவுக்கு நன்றி தெரிவித்தார்.