பிற்போடப்பட்ட இலங்கை – இந்திய கடற்றொழிலாளர் பிரச்சினை தொடர்பான பேச்சுவார்த்தை

Fishing Sri Lanka India

By Thirumal Sep 24, 2026 10:01 AM GMT

Thirumal

in சமூகம்

Report

இலங்கை – இந்திய கடற்றொழிலாளர் பிரச்சினை தொடர்பான பேச்சுவார்த்தை நாளை(25.09.2026) இந்தியாவில் நடைபெறவிருந்த நிலையில் பிற்போடப்பட்டுள்ளதாக கடற்றொழில், நீரியல் மற்றும் கடல்வளங்கள் அமைச்சு தெரிவித்துள்ளது.

இலங்கை கடற்பரப்பிற்குள் இந்திய கடற்றொழிலாளர்கள் எல்லைதாண்டி கடற்றொழிலில் ஈடுபடுவது, அவ்வாறு இலங்கை கடற்பரப்பிற்குள் நுழையும் இந்திய கடற்றொழிலாளர்கள் கைது செய்யப்படுவது உள்ளிட்ட நீண்டகாலமாக நிலவி வரும் கடற்றொழிலாளர்கள் பிரச்சினைகள் தொடர்பில் இரு தரப்பினரும் கலந்துரையாடுவதற்காக இந்தப் பேச்சுவார்த்தை ஏற்பாடு செய்யப்பட்டிருந்தது.

எனினும், இந்தியத் தரப்பில் ஏற்பட்ட தவிர்க்க முடியாத காரணங்களினால் திட்டமிடப்பட்டிருந்த பேச்சுவார்த்தையை குறித்த காலப்பகுதியில் நடத்த முடியாத நிலை ஏற்பட்டுள்ளதாக இந்தியத் தரப்பினால் இலங்கைத் தரப்பிற்கு அறிவிக்கப்பட்டுள்ளது.

பேச்சுவார்த்தை

இதனையடுத்து, பேச்சுவார்த்தையை நடத்துவதற்கான புதிய திகதி இந்தியத் தரப்பினால் பின்னர் அறிவிக்கப்படும் எனவும், புதிய திகதி தொடர்பான அறிவிப்பு கிடைத்தவுடன் அதற்கமைய அடுத்தகட்ட நடவடிக்கைகள் முன்னெடுக்கப்படும் எனவும் கடற்றொழில், நீரியல் மற்றும் கடல்வளங்கள் அமைச்சு தெரிவித்துள்ளது.

பிற்போடப்பட்ட இலங்கை – இந்திய கடற்றொழிலாளர் பிரச்சினை தொடர்பான பேச்சுவார்த்தை | Talks Sri Lanka India Fishermen Issue Postponed

அத்துடன், பேச்சுவார்த்தையில் பங்கேற்கவுள்ள இலங்கைத் தரப்பு பிரதிநிதிகள் குழுவின் விபரங்களை இந்திய உயர்ஸ்தானிகராலயத்துடன் பகிர்ந்து கொள்வதற்கான நடவடிக்கைகளும் முன்னெடுக்கப்பட்டுள்ளதாக அமைச்சு தெரிவித்துள்ளது.

இதேவேளை, குறித்த பேச்சுவார்த்தை இலங்கைத் தரப்பினால் இரத்து செய்யப்படவில்லை என்றும், இந்தியத் தரப்பில் ஏற்பட்ட தவிர்க்க முடியாத காரணங்களினாலேயே பேச்சுவார்த்தை பிற்போடப்பட்டுள்ளதாகவும் கடற்றொழில், நீரியல் மற்றும் கடல்வளங்கள் அமைச்சு மேலும் தெளிவுபடுத்தியுள்ளது.