லங்காசிறி FM
சாதாரண தரப்பரீட்சை வினாத்தாள் மோசடி : தனியார் வகுப்பாசிரியர் கைது
Sheron
in சட்டம் மற்றும் ஒழுங்கு
க.பொ.த சாதாரண தர பரீட்சையின் ஆங்கில வினாத்தாளை வட்ஸ்அப் மூலம் வெளியிடுவதில் ஈடுபட்ட தனியார் ஆங்கில பாட ஆசிரியர் கைது செய்யப்பட்டுள்ளதாக பொலிஸார் தெரிவித்துள்ளனர்.
சந்தேகநபர் கண்டி, கட்டுகஸ்தோட்டை பிரதேசத்தில் வைத்து இன்று காலை கைது செய்யப்பட்டதாக பொலிஸார் தெரிவித்துள்ளனர்.
வினாத்தாள் புழக்கத்தில் இருந்தமை தொடர்பில் பரீட்சைகள் ஆணையாளர் நாயகம் செய்த முறைப்பாட்டையடுத்து இந்த கைது இடம்பெற்றுள்ளது.
தனியார்வகுப்பாசிரியர் கேள்வித்தாளைப் பகிர்ந்த குறிப்பிட்ட வாட்ஸ்அப் குழுவில் 1,025 உறுப்பினர்கள் இருப்பதாகவும் முதற்கட்ட விசாரணையில் தெரியவந்துள்ளதாக பொலிஸார் தெரிவித்தனர்.
பரீட்சை அட்டவணைப்படி பொது ஆங்கில வினாத்தாள் கடந்த மே 9ம் திகதி காலை 8.30 மணிக்கு மாணவர்களுக்கு விநியோகம் செய்யப்பட்டது. ஆனால், ஆங்கில வினாத்தாள் காலை 9.11 மணியளவில் வாட்ஸ்அப் குழுவில் இந்த ஆசிரியரால் வெளியிடப்பட்டுள்ளது.
கைது செய்யப்பட்ட ஆசிரியர் இன்று நீதிமன்றில் முன்னிலைப்படுத்தப்படவுள்ளார். சம்பவம் தொடர்பில் பரீட்சை திணைக்கள அதிகாரிகளிடம் வாக்குமூலம் பதிவு செய்யப்பட்டுள்ளது.
ஆங்கில வினாத்தாளை பரப்பியதற்காக கைதுசெய்யப்பட்ட ஆங்கில பாட ஆசிரியர் மற்றும் அவரது தாயாரின் கையடக்க தொலைபேசிகள் பொலிஸாரால் கைப்பற்றப்பட்டுள்ளதாக பொலிஸார் தெரிவித்துள்ளனர்.
சம்பவம் தொடர்பாக தனியார் வகுப்பாசிரியர் மற்றும் அவரது தாயாரிடம் வாக்குமூலம் பதிவு செய்யப்பட்டதாகவும் அவர்கள் தெரிவித்தனர். குறிப்பாக கொழும்பில் உள்ள கொட்டாஞ்சேனை மற்றும் ஹசலக்க ஆகிய இரண்டு பரீட்சை நிலையங்களில் சம்பவங்கள் பதிவாகியுள்ளதாக தெரிவிக்கப்படுகிறது.
சில பரீட்சார்த்திகள் தொலைபேசிகளை பயன்படுத்தி ஆங்கில வினாத்தாளுக்கான பதில்களை அணுக முயற்சித்ததாகவும், அவற்றை மற்றவர்களுடன் பகிர்ந்து கொண்டதாகவும் சுட்டிக்காட்டப்படுகிறது.
இதனையடுத்து குறித்த பரீட்சை நிலையங்களில் இருந்த கண்காணிப்பாளர்கள் தொலைபேசிகளை பறிமுதல் செய்துள்ளமையும் குறிப்பிடத்தக்கது.
| நாட்டு நடப்புகளை உங்கள் கைபேசியில் பெற்றுக்கொள்ள தமிழ்வின் WHATSAPP CHANNEL இல் இணையுங்கள் JOIN NOW |
அந்த மாதிரி விஷயங்களில் நான் சிக்க விரும்பவில்லை... பாண்டியன் ஸ்டோர்ஸ் சீரியல் நடிகர் ஓபன் டாக் Cineulagam
குரு- புதன் உருவாக்கும் அரிய ராஜயோகம்... ஏப்ரல் 3 முதல் இந்த ராசிகளுக்கு ராஜவாழ்க்கை உறுதி! Manithan
அடுத்தடுத்த கேள்விகள் கேட்ட கோமதி, அதிரடி முடிவு எடுத்த பாண்டியன்... பாண்டியன் ஸ்டோர்ஸ் 2 சீரியல் Cineulagam
பிரச்சனைகளுக்கு இடையில் ஒன்றாக இணைந்துள்ள மீனா, ஸ்ருதி, ரோஹினி... என்ன விஷயம், சிறகடிக்க ஆசை சீரியல் வீடியோ Cineulagam
பணத்தை திருடி நிலாவிடம் கொடுத்த சோழன், வீட்டிற்கு தேடிவந்த பிரச்சனை... அய்யனார் துணை சீரியல் Cineulagam
வளைகுடா நாடுகளில் இருந்து அதிகம் பணம் பெறும் இந்திய மாநிலங்கள் - தமிழ்நாடு எந்த இடத்தில்? News Lankasri
கோண்டாவில் மேற்கு, Frankfurt, Germany, Wiesbaden, Germany
12 Mar, 2026
வல்வெட்டித்துறை, London, United Kingdom, Brampton, Canada
16 Mar, 2026
