லங்காசிறி FM
ரணிலின் ஜனாதிபதி பொதுமன்னிப்பை அதிரடியாக ரத்து செய்த உயர் நீதிமன்றம்
பராமரிப்புச் செலவு தொகையை வழங்கத் தவறியதால் 29 மாத சிறைத்தண்டனை விதிக்கப்பட்ட ஒருவருக்கு முன்னாள் ஜனாதிபதி ரணில் விக்ரமசிங்க வழங்கிய ஜனாதிபதி பொதுமன்னிப்பு செல்லாது என உயர் நீதிமன்றம் தீர்ப்பளித்துள்ளது.
சம்பவம் தொடர்பில் மேலும் தெரியவருகையில்,
முஹம்மது அமீன் முஹம்மது நசீம் என்பவர் 1.74 மில்லியன் ரூபாய் பராமரிப்பு நிலுவைத் தொகையை வழங்கத் தவறியதால், காசி நீதிமன்ற உத்தரவின்படி 2024 ஜூலையில் சிறையிலடைக்கப்பட்டார்.
உயர் நீதிமன்றம் அதிரடி
எனினும், செப்டம்பர் 2024 இல் “சிறைவாசிகள் தினத்தை” முன்னிட்டு வழங்கப்பட்ட ஜனாதிபதியின் பொதுமன்னிப்பின் கீழ் அவர் 2 மாதங்களுக்கும் குறைவான காலத்திலேயே விடுவிக்கப்பட்டார்.
இரண்டு மாதங்களுக்குள் அவர் விடுவிக்கப்பட்டதை எதிர்த்து, அவரது முன்னாள் மனைவியான அஹமண்ட் ஜலீல் பர்மீலா பேகம் உயர் நீதிமன்றத்தில் அடிப்படை உரிமை மீறல் மனுவைத் தாக்கல் செய்தார்.
இந்த மனுவை விசாரணை செய்த உயர் நீதிமன்றம், குறித்த நபருக்கு வழங்கப்பட்ட பொதுமன்னிப்பு, அரசியலமைப்பின் கீழ் உத்தரவாதம் அளிக்கப்பட்ட சமத்துவத்திற்கான அடிப்படை உரிமையை மீறுவதாகும் என்று சுட்டிக்காட்டியுள்ளது.
நீதியிலிருந்து தப்பி ஓடியவருக்கு பிடியாணை
ஒரே மாதிரியான குற்றத்திற்காகச் சிறையிலிருந்த மற்றொரு கைதிக்கு வழங்கவேண்டிய பொது மன்னிப்பை, ஒரு வாரம் மட்டுமே தண்டனை பெற்றிருந்த நசீமுக்கு தவறாக வழங்கப்பட்டமையை கண்டறிந்த நீதிமன்றம், இந்த பொதுமன்னிப்பை ரத்துச்செய்துள்ளது.
அத்துடன், அவரது பழைய சிறைத்தண்டனைத் தீர்ப்பு மீண்டும் நடைமுறைக்கு வருவதாக அறிவித்துள்ளது.
தண்டனைக் காலம் முடிவடைவதற்குள் விடுவிக்கப்பட்ட நசீம், தற்போது சட்டத்தின் பார்வையில் "நீதியிலிருந்து தப்பி ஓடியவர்" எனக் குறிப்பிட்ட உயர் நீதிமன்றம், அவர் உடனடியாக சட்ட அமுலாக்க அதிகாரிகளிடம் சரணடைய வேண்டும் என்றும் உத்தரவிட்டுள்ளது.
இதற்கு நீர்கொழும்பு நீதவான் நீதிமன்றத்தால் பிறப்பிக்கப்பட்ட அசல் பிடியாணை செல்லுபடியாகும் என்றும், அவரை மீண்டும் கைது செய்ய அதுவே போதுமானது என்றும் நீதிமன்றம் தெளிவுபடுத்தியுள்ளது.
பாக்ஸ் ஆபிஸ்: தமிழ் சினிமாவின் இண்டஸ்ட்ரி ஹிட் ஜெயிலர் 2.. 11 நாட்களில் உலகளவில் செய்துள்ள வசூல் Cineulagam
வெளிநாட்டில் இருக்கேன், சொல்லாம போறீங்களே அப்பா.. செஃப் தாமு மறைவால் கண்ணீர் விட்டு கதறும் புகழ் Cineulagam
எனது பிள்ளைகளை ஒருபோதும் பார்க்க மாட்டீர்கள்: தந்தை தாமஸிற்கு மேகன் மெர்க்கலின் கடைசி கடிதம் News Lankasri
மானிப்பாய், Florida, United States, Southgate, United Kingdom
24 Sep, 2026
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
குப்பிளான், London, United Kingdom, பிரான்ஸ், France
23 Oct, 2021
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026